Züri E-Prix
Dr Züri E-Prix isch es Autorönne, wo z Züri duregfüert worden isch.
Es isch es Rönne uf ere Rundstrecki mit Elektroauto im Programm vo dr FIA-Formel-E-Meisterschaft. Es isch organisiert worde vo dr Firma Swiss E-Prix Operations AG. Der Verein E-Mobil Züri het d Fääde zoge, zum dä Aalass i d Schwiiz z hole. D Stadt Züri het das Rönne für 2018 und 2019 erlaupt. Wage Widerstand bi de Bevölkerig im Quartier, isch s Rönne im 2019 nüme erlaupt worde und es Ersatzrönne isch i säbem Johr z Bärn düregfüert worde.
Am 10. Juni 2018 isch s Rönne s erschte Mol über d Büüni ggange. Me het drfür im Zürcher Kwartier Ängi im Chreis 2 e Rännstrecki abgspeert. Bi däm Wettkampf het dr Brasilianer Lucas di Grassi vom Audi-Team gwunne. Zwei Schwiizer sind am Start gsi: dr Sébastien Buemi vo Renault e.dams isch uf e föift Platz cho und dr Edoardo Mortara vom Venturi Formula E Team isch usgschide. Dr Tüütsch Nick Heidfeld, wo z Schtääfe wohnt, isch hinder em Buemi Sächste worde.