Züri Fäscht
S Züri Fäscht isch s Stadtfäscht vo Züri.
D Stadt Züri organisiert s all drüü Joor drüü Tääg lang im Juli. Drfüür tuet si d Innestadt und s underi Seebecki speere. Am Fritig- und am Samschtigoobe git’s es Füürwärch uf em Zürisee.
I de Gasse, a de Quai, uf em Bellevue und em Bürkliplatz cha me go Musig lose, es git Vorfüerigen uf em See zum aaluege und a vilne Ständ und i de Beize es vilsytigs Aagebott vo Sache zum ässe.
Mit dem Fäscht hät me aagfange, wo ane 1951 dr Aaschluss vo dr Stadt Züri a di alt Äiggnosseschaft sächshundert Joor häär gsi isch. Do drfüür isch denn s Fäscht Zürich 600 Jahre im Bund der Eidgenossen uf d Bäi gstellt worde. Drüü Joor spöter isch s 2. Züri Fäscht gsi, vo 1976 bis 1988 het men em Zürcher Seenachtsfäscht gseit, und vo 1991 aa isch es ebe s Züri Fäscht, wo immer öppe zwöi Milioone Lüüt hii chöme.
Weblink[ändere | Quälltäxt bearbeite]
Commons: Züri Fäscht – Sammlig vo Multimediadateie