Zürcher Unterland

Us der alemannische Wikipedia, der freie Dialäkt-Enzyklopedy
Hops zue: Navigation, Suech

S Züri-Underland isch de nordweschtlichi Täil vom Kanton Züri und bestaat us de Bezirk Tielschtoorff und Büüli. Es gränzt im Weschte as Aargi und gaat im Noorde über de Rhy, wo s Schtedtli Eglisau und s Rafzerfäld ligged. Ussert Eglisau sind na Rägischbëërg mit em Schloss und Büüli guet erhalteni alti Schtedtli.

Bi Neeri lyt s Neeracherriet, es Flachmoor, wo s SVS Naturschutzzentrum staat und wo vili sältni Tier chönd beobachtet wëërde. Au im Rafzerfäld probiert me, d Artevillfalt vo Tier und Pflanze wider hööcher z mache.

Im Züri-Underland lyt au de Flughaafe Chloote. Wäge dëm und de Nëëchi vo de Schtadt Züri verschtedteret naadinaa de Süüdtäil vom Züri-Underland. De nöördlich Täil isch na ländlicher und drum e beliebti Naaerholigszoone vo de Schtedter.

Z Rägischtoorf isch s Gfängnis Pöschwiis, wo Mane igschpeert wëërded, wänn si schwëëreri Schuld uf sich glade händ.

Weblink[ändere | Quälltäxt bearbeite]

 Commons: Züri Underland – Sammlig vo Multimediadateie