Yannick Buttet
.jpg)
Dr Yannick Buttet (* 12. Juli 1977 z Monthey) isch e Schwyzer Bolitiker (CVP). Mit dr Wahle vum 23. Oktober 2011 bis zum 17. Dezämber 2017 isch er Nationalrot gsii.
Bolitik
[ändere | Quälltäxt bearbeite]Dr Buttet isch vu 2002 bis 2005 Bresidänt vu dr JCVP im Bezirk Monthey gsii un ab 2005 bis 2009 Bresidänt vu dr JCVP Valais romand. Syt Jänner 2009 isch dr Buttet im Gmaitrot, dr Exekutive vu dr Gmai Collombey-Muraz un ab 2013 isch er au Gmaibresidänt gsii. Vu 2008 bis 2012 isch er Vize-Bresidänt vu dr CVP Valais romand.
Dr Buttet het Yysitz in dr Kummission fir Umwält, Ruumblanig un Energy un dr Redaktionskummission ghaa. Syni bolitische Schwärpinkt ligen in dr Regional-, Sozial-, Verchehrs-, Familien- un Jugedbolitik.
In Novämber 2017 isch dr Buttet im Zug vu Vorwirf wäge Stalking un sexuäller Beleschtigung as Vizebresidänt vu dr Schwyzerische Offiziersgsellschaft un dr CVP Schwyz zruggdrätte,[1][2] d Staatsaawaltschaft vum Kanton Wallis het wäge Verdacht uf Neetigung e Strofverfahren ufgmacht.[3] Am 17. Dezämber 2017 isch dr Buttet au as Nationalrot zruggdrätte.[4]
Dr Buttet isch ghyrote, het zwai Chinder un läbt mit syre Familie z Collombey-Muraz. In dr Schwyzer Armee isch er Oberschtleutnant (zurzyt suschpändiert).[1]
Weblink
[ändere | Quälltäxt bearbeite]- Yannick Buttet uf dr Websyte vo dr Bundesversammlig
- Websyte vum Yannick Buttet
Fueßnote
[ändere | Quälltäxt bearbeite]- ↑ 1,0 1,1 Buttet ist nicht mehr Vize der Offiziersgesellschaft. Tages-Anzeiger, abgruefen am 5. Dezämber 2017.
- ↑ Das Bundeshaus – ein Hort der Grabscher? Tages-Anzeiger, abgruefen am 9. Dezämber 2017.
- ↑ Yannick Buttet droht Freiheitsstrafe. Tages-Anzeiger, abgruefen am 9. Dezämber 2017.
- ↑ CVP-Nationalrat Yannick Buttet tritt zurück, NZZ, 17. Dezämber 2017, abgruefen am 17. Dezämber 2017
|
Dä Artikel basiert uff ere fräie Übersetzig vu dere Version vum Artikel „Yannick_Buttet“ vu de dütsche Wikipedia. E Liste vu de Autore un Versione isch do z finde. |