Yangzhou

Us der alemannische Wikipedia, der freie Dialäkt-Enzyklopedy
扬州市
Yangzhou
Yangzhou (China)
Yangzhou (China)
Yangzhou
Yangzhou
Yangzhou
Koordinate 32° 23′ N, 119° 26′ OKoordinate: 32° 23′ N, 119° 26′ O
Basisdate
Staat Volksrepublik China

Provinz

Jiangsu
Flechi 6634 km²
Iiwooner 4.542.900 (2004)
Dichti 684,8 Ew./km²
D Laag vom Gebiet vo dr bezirksfreie Stadt Yangzhou
D Laag vom Gebiet vo dr bezirksfreie Stadt Yangzhou
D Laag vom Gebiet vo dr bezirksfreie Stadt Yangzhou

Yangzhou (chin. 揚州市 / 扬州市, Yángzhōu Shì) isch e bezirksfreiji Stadt in dr chinesische Browinz Jiangsu. Si lit am Fluss Jangtsekiang. Iir Verwaltigsgebiet het e Flechi vo 6'634 km² und öbbe 4'542'900 Iiwooner (Stand: Ändi 2004).

Yangzhou lit öbbe 70 km vo Nanjing. Früener isch s e wichtige Knotepunggt für e Salzhandel gsi. Dank sinere Laag diräkt am Kaiserkanal isch s im Middelalter zun ere seer woolhabende und mächdige Handelsstadt worde. Wo d Iisebaan in China iigfüert worde isch, het s die Bedütig verloore. Dr Marco Polo het, wien er verzelt, e baar Joor lang doo as Statthalter für dr Kublai Khan gschafft.

Hüte isch Yangzhou für die drei Gärte Shouxihu Gongyuan, Ge Yuan und He Yuan bekannt. Die si im klassische Stil in dr Tang-Zit aagläit worde und zien die mäiste Turiste us China sälber aa. Im Usland isch Yangzhou vor allem z Japan seer beliebt. Äine vo de wichdigste buddhistische Missionäär in Japan isch dr Jianzhen gsi, e Mönch us em Chloster Daming Si nid wit vo dr Stadtgränze. Mä gseet dr japanisch Iifluss an drei groosse Pagode, won e Gschänk us Japan si und dr Baustil vo de japanische Pagode spiegle.

D Stadt isch vom 10. bis zum 14. Joorhundert e kulturelli Hochburg gsi und e Hufe bedütendi Dichder und Künstler häi in dere Zit in dr Stadt gschafft. Bekannt isch d Moolerschuel vo de Acht Exzentriker, wo s von ene im Yangzhou-Museum Bilder het

Kulturhistorisch vo Bedütig si au die erhaltene islamische Greeber us dr Song-Zit am Ufer vom Changjiang.

Dr ehemoolig Staatsbresidänt vo dr Volksrepublik China Jiang Zemin isch 1926 z Yangzhou uf d Wält choo.

Bildli[ändere | Quälltäxt bearbeite]

Weblingg[ändere | Quälltäxt bearbeite]

 Commons: Yangzhou – Sammlig vo Multimediadateie
Dä Artikel basiert uff ere fräie Übersetzig vum Artikel „Yangzhou“ vu de dütsche Wikipedia. E Liste vu de Autore un Versione isch do z finde.