Xanadu (Titan)

Dialäkt: Markgräflerisch (Ebringe)

Xanadu isch die hell Region in dr rächte Bildmiddi

Xanadu (oft au als "Xanadu Regio" bezeichnet, obwohl säll nit dr offiziell Namme isch) isch e Radarstrahle starch reflektierendi Region uffem Saturnmond Titan. Si het ihr Namme vu Xanadu, dem legendäre Palast wo im Gedicht Kubla Khan vum Samuel Taylor Coleridge beschribe wird.

Die Formation isch z'erst 1994 identifiziert worre, wo Astronome mit em Hubble Weltruumteleskop dr Titan im Infrarote beobachtet gha hän. Sit 2004 isch si detailliert un us dr Nächi vu dr Cassini-Sonde beobachtet worre. Xanadu het ugfähr d'Grössi vu Australie. Us dr laufende Beobachtige schliesst mer, dass es sich bi Xanadu um e plateau-artigi Region vu hoch reflektivem Wasseriis handelet, wo eweng Kontraste mit dieferem Gelände in dere Gegend zeigt. Beidi zämme hebe sich zimlich scharf vu dr sehr dunkle Gebite ab, vu dene mer ursprünglich glaubt het, dass es sich um Meere us flüssige Chohlewasserstoffe handelet, wo mer aber inzwische fer Ebene haldet.

Uffnahme vu dr Cassini-Sonde bi Vorbiflüeg im Oktober un Dezember 2004 hän komplexi Albedomuster im westliche Deil vu Xanadu enthüllt. Zwar isch d'Bedütig un d'Ursache vu dene Muster no nit chlärt, aber ei wohrschinliche Verursacher sin tektonischi Vorgäng. Belege defir git's im e Muster vu sich überchrüzende Linie im westliche Xanadu. Gnauer erforscht wird au d'Grenze zwische Xanadu un Shangri-la, ere dunkle, westlich glägene Region. D'Form vu dr Grenze losst druf schliesse, dass dert dunkels Material die hell Oberflächi yberdeckt.

Weblink

• Charte vu Titan mit Xanadu un dr Huygens-Landestell uf em Internetuftritt vu dr Cassini-Huygens-Mission

Dä Artikel basiert uff ere fräie Übersetzig vum Artikel „Xanadu_(Titan)“ vu de englische Wikipedia. E Liste vu de Autore un Versione isch do z finde.