Wolfram Britz
Dr Wolfram Britz (* 1968 z Offeburg[1]) isch e dytsche Bolitiker. Är isch syter anne 2022 Oberburgermaischter vu Kaal.
Lääbe[ändere | Quälltäxt bearbeite]
Dr Britz isch z Boderschwiir ufgwagse un zerscht z Auenheim uf Grundschuel un druf z Kaal uf d Tulla-Realschuel gange, wun er di Mittler Ryfi gmacht het. No dr Schuel het er Chrankepfläger in dr Chrankepfläägschuel z Kaal gleert.
An 1989 het er as Chrankepfläger am Ortenau Klinikum z Kaal gschafft, wun er au zeh Johr lang di zäntral Ufnahmstation glaitet het, Näbe dr Arbet im Chrankehuus het er e Uusbildig zum Kinästhetik-Trainer gmacht un schafft syter 1998 fir e Fryburger Inschtitut in däm Beruef
Dr Britz isch syt syre Grindig Mitglid vum Ferderverain fir s Ortenau-Klinikum Kaal, syt 2016 isch er au Vorsitzer vum Verain.
Vu 2014 bis zue sym Amtsaadritt as Oberburgermaischter 2022 isch dr barteilos Britz fir d SPD-Frakzion im Kaaler Gmairoot ghockt.[2] Syt 2019 isch er Mitgliid im Ortenauer Kraisdaag.[3]
Är het anne 2022 erfolgrych bi dr Kaaler Oberburgermaischterwahl kandidert,[4] unterstitzt vu dr SPD un dr Griene. Im erschte Wahlgang am 6. Februar 2022 het er 44,8 Brozänt vu dr Stimme iberchuu, im zweete Wahlgang am 20. Februar 2022 51,3 Brozänt.[5] Dr Britz isch Noofolger vum Toni Vetrano (CDU) wore un het sy Amt am 1. Mai 2022 aadrätte.[6]
Z Boderschwiir isch dr Britz langi Johr aktiv Mitglid vum Musikverain gsii un iber vyl Johr isch er unter em Name „Zäpf“ mit ere Rockgruppe ufdrätte, wu Lieder im alemannische Diläkt vum Hanauerland gsunge hän. Är het si z Kaal au fir d Grindig vum Verain Kultur Café e. V. yygsetzt.
Dr Britz isch ghyrote un het zwee Sihn.[1]
Weblink[ändere | Quälltäxt bearbeite]
Fueßnote[ändere | Quälltäxt bearbeite]
- ↑ 1,0 1,1 Über mich. In: Wolfram Britz. Abgruefen am 20. Februar 2022 (de-DE).
- ↑ SessionNet | Britz, Wolfram. Abgruefen am 20. Februar 2022.
- ↑ Kreistagsmitglieder - SD.NET RIM 4 | Landkreis Ortenaukreis. Abgruefen am 20. Februar 2022.
- ↑ OB-Wahl Kehl: Der erste Kandidat geht ins Rennen. Abgruefen am 20. Februar 2022.
- ↑ Wahlenübersicht. Abgruefen am 20. Februar 2022.
- ↑ Krankenpfleger Wolfram Britz ist neuer Kehler Oberbürgermeister, Badische Zeitung, 21. Februar 2022