Wilhelm Balmer

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Dialäkt: Baseldütsch

Dr Wilhelm Balmer (* 18. Juni 1865 z Baasel; † 1. Merz 1922 z Bollige) isch e Schwizer Kunstmooler gsi.

Wilhelm Balmer: Hans Bär, Baasel (1901)

Lääbe und Wärk[ändere | Quälltäxt bearbeite]

Dr Wilhelm Balmer het z Baasel d Matur gmacht. Er het vom Fritz Schider Underricht im Zäichen überchoo und isch vo 1884 bis 1889 uf d Kunstakademii Münche gange. Dr Balmer het Bilder an de Inne- und Ussefassade vom Baasler Roothuus gmoolt:

  • 1901 het er Bild am Durm vom Bannerdrääger Hans Bär gmoolt, wo 1515 in dr Schlacht vo Marignano gfalle isch.
  • Im gliiche Joor het er zämme mit em Franz Bauer Moolereie vom Hans Bock em Eltere an dr Ussefassaade zum Määrtblatz restauriert.
  • 1903 het er an dr Fassaade vom Innehoof e Gmäld vo dr Gsandtschaft vo dr Äidgenosseschaft gmacht, wo uf Baasel cho isch, und mit em Kaiser Heinrich II., as Hiiwiss druf, dass daas am Heinrichsdaag bassiert isch.

Zämme mit em Albert Welti het dr Balmer s Wandbild Die Landsgemeinde an dr Südwand vom Saal vom Ständeroot im Bundeshuus z Bärn gmoolt.

Weblingg[ändere | Quälltäxt bearbeite]

 Commons: Wilhelm Balmer – Sammlig vo Multimediadateie