Wilhelm Bärwart
| Dialäkt: Baseldütsch |
Dr Wilhelm Bärwart (* 6. Novämber 1857 z Rieche, † 19. Juli 1912 z Baasel) isch e Baasler Politiker gsi.
Aarbet, Familie
[ändere | Quälltäxt bearbeite]Dr Bärwart het e kaufmännischi Leer gmacht und denn bis zu sim Dood as Aagstellte bi de Baasler Versichrige gschafft.
1888 het er d Lina Brunner ghürootet. Dr Mundartdichder Theobald Baerwart isch si Gusäng gsi.
Si Angaschma in dr Politik und dr Gnosseschaftsbeweegig
[ändere | Quälltäxt bearbeite]1882 isch er MItgliid im Grütliveräin worde. Vo 1887 bis 1888 und wider vo 1891 bis 1893 isch er Bresidänt vom Arbäiterbund Baasel gsi. Vo 1890 bis 1893 isch er Baasler Groossroot gsi; und denn het em si Aarbetsgääber Baasler Versichrige verbote, öffentligi politischi Ämter uszüebe.
Vo 1897 bis 1905 und non emol vo 1906 bis 1912 isch er Verwaltigsroot vom Allgemäine Konsumveräin Baasel gsi und meereri Joor zum Bresidänt gweelt worde. Vo 1903 bis 1912 isch er im Verwaltigsrootsusschuss vom Verband vo de schwizerische Konsumveräin, em hütige Coop, gsässe. Er het sich au intensiiv in dr SP und im Arbäiterbund angaschiert in Posizioone, wo vo dr Öffentligkäit nid woorgnoo worde si wie zum Bispil as Bresidänt vo dr Brässunion, wo dr Baasler "Vorwärts" uusegee het.