Wikipedia Diskussion:Profil/Entwurf

Korrekture

Ich haa emol verschideni Korrekture gmacht. Näben e baar Schryybfähler un nit-alemnnische Forme ("deswege" äh, Herr Lehrer, si hän do glaub e Fähler gmacht, des isch doch e Genitivform ...), haan i d Bezeichnige "Südbade" un "Schwobeland" uusgnuu, die stere mi scho lang, au wänn si uf allne Syte stehn:

• Bade un Schwobeland sin zwe verschideni Böustelle: Bade isch e historische Staat, Schwobeland e Dialäktruum, aber s git Gegnige z Dytschland, wu nit zue Bade ghert hän un wu einewäg kei Schwebisch gschwätzt wird, z. B. e Großdeil vum Bodeseealemannisch un s git Gegnige wu zue Bade gehrt hän un wu Schwebche gschätzt wird (um Messkirch), wäge däm haan i ds jetz dur "Südweschtdütschland" ersetzt.
• Walserderfer git s nit nume im Piemont, sunder au im Aostatal, ich haa s jez "z Norditalie" gschribe.

Dr Abschnitt iber d Sproch isch fir mii z arg us dr Sicht vu Dytschland gschribe, d Situation im Elsass isch ganz andersch, un au dää Satz zue dr Verhältnis in dr Schwyz het nyt z due mit dr sprochlige Realitet in dr Schwyz sunder meh mir friejere Diskussione um einzeni Artikel un Byyträg vu einzelne Schwyzer Benutzer in dr Alemannische Wikipedia. --Holder 14:52, 9. Mär. 2010 (MEZ)

D gnaui Formulierig findi zwar au no nit so glunge, aber d Kernussag: es git de Yfluss vo de Schriftsprooch, mool schwächer (Schwiizer, frei formulierti Sätz), mool stärcher (Dütschi, übersetzti Sätz), un dass mir de Yfluss e chly wenn begränze, isch joo wohl Konsenz. Bloss wyl jetz grad kei Schwiizer Autore ume sin wo schlechti Übersetzige mache, bruuch mer joo nit so due als häts so Lüt nie gää un gits nie mee. --Chlämens 22:00, 9. Mär. 2010 (MEZ)

Was mi do e weng stert, isch: in eme Profil deet ich ender unsri Vision bschryybe un weniger Richtlinie un Vorschrifte, also ebis wie "Ziil: s grescht un wichtigscht Internetpotal rund um alemannischi Dialäkt" un "Wisse iber Alemannisch - Wisse uf Alemannisch" un "e zäntrali Aalaufstell fir alli wu sich fir alemannischi Dialäkt inträssiere". Ass die sprochlige Richtlinie (meh oder weniger ;-)) Konsänz sin, isch klar, aber sott des in s Profil? Ich find ender nit. Eso isch des eifach nume e churzi Zämmefassig vu unsre Richtlinie aber kei "Profil". Natyrli ghert do ne Verwyys uf WSIGA dryy, aber s brucht no myyre Meinig nit die Zämmefassig zue alemannische Forme un Regle.

Ich fänd s au besser, in däm Profil nit eso uf di dytsch Wikipedia z luege. Myy persenlig Ziil isch e alemannischi Enzyklopedy, kei Ergänzig zue dr dewiki, d. h. e Formulierig wie "Glychzitig wenn mir, dass au möglichscht vil nit-alemannische Theme abdeggt sin; bsunders doo, wo d hochdütschi Wikipedia Lucke het." find i nit guet. Ich halt nyt dervu, ass mer is ständig verglyyche mit dr dewiki, mer chenne is nit mässe mit sällere, un au d Formulierig, ass mir bi regionale Theme besser wän syy wie d dewiki, isch zur Zyt e Illusion, fir des hämer vil z wenig Lyt. D Artikel, wu mir besser sin, cha mer an zwo Händ abzelle, un s git Hunderti vu regionale Artikel, wu d dewiki um Lengine besser isch. --Holder 06:39, 24. Mär. 2010 (MEZ)

I find euri Entwurf güet, e baar Sache hätt i abber no z ergänze, lüeget Wikipedia:Profil/Entwurf3 (basiert uff em Holder sinem Entwurf, Änderige kursiiv vüreghobe). D'Sprochpfläg cha rüehjg no e bitz prominänter stoh, find i; ußerdemm hänn mr d'Pünkt "Qualitet statt Quantitet" un "Wikikette" no e bitz gfehlt. Dass mr uns nit an de dütsche Wikipedia mässe solle, find i au, abber es isch glaub au nit eso gmeint. I ha's emoll e bitz eidütiger formuliert. --Strommops ð 23:02, 24. Mär. 2010 (MEZ)