Hërbschtträffe 2018 – 15 Jaar alemanischi Wikipedia

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen


Was vor em Träffen eso gschnäderet woorden isch, findt mer uf em Stammtisch.

Termyn: am Mittwuch, 14. Novämber, ab de sibne z Aabig.

Oort: s Huusmaa z Züri

Churzpricht[Quälltäxt bearbeite]

Am 13. Novämber 2018 isch di alemanisch Wikipedia füfzäni woorde. Und dëë Giburtstaag hät me doch müese verschwele (Bidüütig 1a3)! Und esoo hät sich ganz churzfrischtig e munzigs Grüppli am Taag drufabe z Wiediken im Stammlokaal vo de – horribile dictu – hoochtüütsche Wikipedia troffe. Wänn de Grundsatz Tres faciunt collegium gilt, dass das Träffe chan offiziell mitzelt wëërde, dänn hä-mer das under Yschluss vo allnen Abmäldige sauft präicht. :-) 

So sind aso der al-Qamar und de Freiguet deete ghöcklet, händ über iri Aafäng i der alemanischen und i de hoochtüütsche Wikipedia naagsune, händ über di beschte, tröischten und flyssigschte Wikipediaaner gstuunet und über die gspässigschten und müesaamschte grätschet, händ d WikiCon vo Sanggale namal laa vor em gäischtigen Aug verbyzie und händ si mit de Träffe z Stuegert und z Köln vergliche, händ (us dëm Aalass) über s Thema «Frauen i de Wikipedia» dischgeriert – und na über so mängs anders gredt, d Zyt isch ämel wie-n-im Fluug umeggange. Zum Verschwele byträit händ Hugo, Züriwy und Amaretto Sour. --Freiguet (Diskussion) 01:17, 15. Nov. 2018 (MEZ)