Wikipedia:Stimmberechtigung

Us der alemannische Wikipedia, der freie Dialäkt-Enzyklopedy
Hops zue: Navigation, Suech

D Stimmberächtigung isch d Voruussetzig, ass e Benutzer bi bstimmte Verfahre wie Meinigsbilder, Wahle oder sunschtige Abstimmige cha mitmache. Fir di meischte Abstimmige gälte di glyche Stimmberächtigunge, fir e paar bsunderi Verfahre git s Zuesatzregle. E Stimmabgab cha nume persenlig vorgnuu wäre.

E Benutzer muess die folgende Kriterie erfille zum stimmberächtigt syy:

  1. Dr Benutzer isch aagmäldet.
  2. Dr Benutzer isch scho syt zmindescht einere Wuche aagmäldet.
  3. Dr Benutzer het zmindescht 10 nit-revertierti Bearbeitige (Edits) im Artikelnamensruum gmacht.

Die Kriterie gälte fir s Abstimme bi Meinigsbilder, Ammannewahle un Bürokratewahle.

Bi Abstimmige iber Artikel- un Lischtekandidature giltet d Zuesatzregle, ass d Hauptautore vum Artikel un dr Lischt, wu driber abgstimmt wird, nit stimmberächtigt sin.

Bi Ammane- un Bürokratewaale gilet d Zuesatzregle, dass en Kandidat sälber nit stimmberechtigt isch.

Bi Benutzersperrverfahre giltet d Zuesatzregle, ass e Benutzer scho zum Zytpunkt vum Sperraatrag stimmberächtigt muess syy, d. h. zue däm Zytpunkt muess mer scho ne Wuche aagmäldet syy un 10 Bearbeitige im Artikelnamensruum gmacht haa. Uusserdäm isch dr Benutzer, wu soll gsperrt wäre, nit stimmberächtigt.