Bitte nit stere!
Ster d Wikipedia nit go ebis bewyse (Do not disrupt Wikipedia to illustrate a point) isch eine vu dr Grundsätz, wu do fir e guet Arbetsklima wichtig sin.
Do het s e paar Gedanke zum Umgang mitenander in dr Alermannische Wikipedia:
- Di Alemannisch Wikipedia isch nit derzue do, Positione z verchinde, wu no Dyre Meinig uf dr dytschsprochige Wikipedia unterdruckt wäre. Di Alemannisch Wikipedia isch kei Gegeforum zu dr de:wp, sundern e Projäkt zum Ufböu vun ere alemannischsprochige Enzyklopedii un sunscht nyt. D Artikel in dr Alemannische Wikipedia mien neutral dargstellt syy.
- Di Alemannisch Wikipedia isch kei Argumentationshilf fir Diskussione uf dr de:wp: Wänn eber in ere Diskussion uf dr de:wp schrybt, uf dr als:wp diej aber des uns des stoh, no fang nit aa, die entsprechend Passage do in dr Alemannische Wikipedia z ändere go Dyni Argumentation stitze in sällere Diskussion.
- Mach keini provokante Änderige nume zum Uusprobiere, eb di Alemannisch Wikipedia unterwanderet isch vu irgedwelene wirtschaftlige, religiöse oder politische Inträssegruppe.
- Diskussionssyte vu einzelne Artikel sin nit derzue do, z bewyse, ass di Wikipedia vu Inträssegruppe bstimmt wird.
- Provozier kei Sperrig zum e vermeintligi Unterdruckig vu Meinige z bewyse.
- Fang keini Editwars aa zum Dyni Meinig durezdrucke.
- Wänn Du e Regle falsch oder iberflissig findsch, no fang e Diskussion driber aa un tryb nit d Regle mit ere extreme Uuslegig bi abglägene Byschpil an d Gränze go d Widersinnigkeit vun ere z bewyse.
Lueg au
[Quälltäxt bearbeite]- Don’t be a dick (allgmeini Gedanke zum Umgang mitenander; uf Änglisch)