Wikidata
| Wikidata | |
|---|---|
| |
| URL | wikidata.org |
| Kommerziäll | Nei |
| Bschryybig | Wikiprojekt zur Zentralisierig vo Date |
| Regischtrierig | optional |
| Sproche | mehrschprachig |
| Eigetimer | Wikimedia Foundation |
| Erschine | 29. Oktober 2012 |
Wikidata isch es Wikimedia-Projäkt für e fry bearbeitbari Datebank zur Underschtützig vo de Wikipedia und de andere Schwöschterprojäkt. S Projäkt isch vom Verein Wikimedia Deutschland is Läbe grüeft worde. Es isch die gmeinsami Quälle für Date, wo i allne Wikimedia-Projäkt i allne Schprache verwändet wärde chönd.
D Datesätz im Wikidata schtönd under de Creative-Commons-Lizänz CC0 1.0 Universal (CC0 1.0) Public Domain Dedication. Mit ihre chönd die Date ohni Aagab vomene Urheber fry verwändet wärde. Alli andere Namensrüüm schtönd under de Creative-Commons-Attribution/Share-Alike-Lizänz (CC BY-SA 3.0).[1]
Uufbuu
[ändere | Quälltäxt bearbeite]
Wikidata isch e Samlig vo Objäkt (bezeichnet mit em Präfix Q, z. B. Q64). Die Objäkt hend beliebig vieli Uussage und Bhauptige (bezeichnet mit em Präfix P für property, z. B. P1082). Die Eigeschafte chönd mit Qualifikatore (z. B. P585) wyter präzisiert wärde. Dur Quälle beläiti Bhauptige wärdid Uussage gnännt.[2]
Gschicht
[ändere | Quälltäxt bearbeite]Wikidata isch s erschte nüüe Projäkt vo de Wikimedia-Foundation syt 2006 gsii.[3] Im Septämber 2004 het de Erik Möller z erscht Mal es Wikidata-Projäkt vorgschlage.[4] De Magnus Manske het churz drufabe en erschte Prototyp usprobiert, wo die grundsätzlichi Machbarkeit vo dem Projäkt ufzeigt het. Die eigetlichi Umsetzung het im April 2012 z Berlin aagfange. Sie isch dur Schpände vom Allen Institute for Artificial Intelligence, vo de Gordon and Betty Moore Foundation und vo Google Inc. mit insgsamt 1,3 Millione Euro finanziert worde.[5][6] D Finanzierig dur Schpände isch offiziell bis zum Früehlig 2013 gloffe; nachhär het Wikimedia Düütschland für en Aaschlussfinanzierig gluegt.[7]
Nach em offizielle Start am 30. Oktober 2012 het Wikidata fry bearbeitet wärde chönne. I de erschte Phase sind Schprachlinks us de einzelne Wikipedias zue Datenobjäkt (änglisch items) vo Wikidata zämegfüert und mit Bezeichnige und Beschrybige verseh worde. Am 15. Dezämber 2012 isch s eimillionschti Datenobjäkt yträit worde. 2016 hets scho meh als 20 Millionen Objäkt gää.[8] De Prozäss isch mit automatische Computerskript (au bekannt als «Bots») vereifacht worde. Syt em 6. März 2013 sind die Schprachlinks i allne Schprachversione verfügbar, drunder au i de Alemannische Wikipedia.[9]
Am 4. Februar 2013 isch die zweiti Phase mit no limitiertem Funktionsumfang i Betrieb gange. Uussage sind zue Datenobjäkt dezuegfüegt worde (Byschpil Marie Curie: Geburtsort → Warschau). Die Informatione sind zum Teil automatisiert us Wikipedia-Infoboxe und -Kategoriie überträit worde. S Ziel isch gsii, dass Infoboxe i de Wikipedia-Uusgabe mit Date zäntral us Wikidata gfüllt wärdid. Am 27. März 2013 isch i de erschte 11 Wikipedia-Schprachversione die Understützig für Phase 2 aktiviert worde. Am 23. April sind die reschtliche Wikipedias nachezoge.[10]
I de Phase 3 söll’s möglich wärde, automatisiert Lischtene z erschtelle. Bishär wärdid sönigi Lischtene i jedere Wikipedia äxtra gschribe und gwartet. I Zuekumft müessted denn nur no eimal nüüi oder gänderti Informatione im Wikidata yträit wärde. Au innerhalb vo Artikel git’s Lischtene.
Wyteri Funktione sölled schrittwys dezuechoo.
Suschtigs
[ändere | Quälltäxt bearbeite]I de Aafangszyt vo Wikidata isch kritisiert worde, dass e Lizänz ohni Copyleft verwändet wird.[11]
Im Jahr 2013 het d IBM s Prysgäld vom Feigenbaum-Prys 2013 a d Wikimedia Foundation und namentlich für Wikidata gschpändet, wil d Wikipedia e grosse Bytrag zum Erfolg vo de Projäkt gleischtet heb und Wikidata es sich zum Ziel gsetzt heb, Mänsche wie Maschine liechtere Zuegang zu Wüsse z verschaffe.[12]
Ändi 2014 het Google bekannt gää, dass sie ihri eigeti Faktedatebank «Freebase» vo 2015 aa zugunschte vo Wikidata ufgäh welid. Um Datene eifacher nach Wikidata übernäh z chönne, het Google bis zum März 2015 es Importtool bereitgstellt.[13]
Literatur
[ändere | Quälltäxt bearbeite]- Torsten Kleinz: Daten-Enzyklopädie. Das Wikidata-Projekt will die Inhalte der Wikipedia strukturieren. In: c't – Magazin für Computertechnik. Nr. 9/2013, S. 76–79.
- Denny Vrandečić, Markus Krötzsch: Wikidata: A Free Collaborative Knowledge Base. In: Communications of the ACM. ACM. 2014 (im Erscheinen, Preprint).
- Jakob Voß u. a. (2014): Normdaten in Wikidata. ISBN 978-1-291-85658-3
- Claudia Müller-Birn, Benjamin Karran, Janette Lehmann, Markus Luczak-Rösch: Peer-production system or collaborative ontology engineering effort: What is Wikidata? In: Proceedings of the 11th International Symposium on Open Collaboration. ACM, 2015 (doi:10.1145/2788993.2789836).[9]
Weblink
[ändere | Quälltäxt bearbeite]
Commons: Wikidata – Sammlig vo Multimediadateie- Internationals Wikidata-Portal
- Dütschi Wikidata-Hauptsyte
- Projäktsyte uf em Meta-Wiki vo de Wikimedia Foundation
- de:Wikipedia:Wikidata (Projäktdokumäntation i de dütschschprachige Wikipedia)
- Prässeschtimme zue Wikidata (uf Änglisch)
Fuessnoote
[ändere | Quälltäxt bearbeite]- ↑ Wikidata:Datenbank-Download. In: www.wikidata.org. Abgruefen am 9. September 2016.
- ↑ Wikidata:Glossar. In: www.wikidata.org. Abgruefen am 9. September 2016.
- ↑ Matthew Roth: The Wikipedia data revolution. In: Wikimedia Blog. 30. März 2012, abgruefen am 9. September 2016 (änglisch).
- ↑ Erik Möller: Die heimliche Medienrevolution – Wie Weblogs, Wikis und freie Software die Welt verändern. 1. Auflage. Heise Zeitschriften Verlag, Hannover 2005, ISBN 978-3-936931-16-7, S. 189, 196 ff. ([1] [PDF; 3,0 MB]).
- ↑ Boonsri Dickinson: Paul Allen Invests In A Massive Project To Make Wikipedia Better. In: Business Insider. 30. März 2012, abgruefen am 9. September 2016 (änglisch).
- ↑ Sarah Perez: Wikipedia’s Next Big Thing: Wikidata, A Machine-Readable, User-Editable Database Funded By Google, Paul Allen And Others. In: TechCrunch. 30. März 2012, abgruefen am 9. September 2016 (änglisch).
- ↑ Torsten Kleinz: Wikidata: Daten-Fundus für Wikipedia eröffnet. In: heise online. 31. Oktober 2012, abgruefen am 9. September 2016.
- ↑ Statistics. In: www.wikidata.org. Abgruefen am 9. September 2016.
- ↑ 9,0 9,1 Lydia Pintscher: Wikidata jetzt auf allen Wikipedien. In: Wikimedia Deutschland Blog. 6. März 2013, abgruefen am 7. März 2013.
- ↑ Pintscher, Lydia. Wikidata auf der ganzen Welt , Wikimedia Deutschland, 24. April 2013. Abgruefen am 28. April 2013.
- ↑ Alexrk2: Is CC the right license for data? In: meta.wikimedia.org. 1. April 2012, abgruefen am 9. September 2016 (änglisch).
- ↑ Matthew Roth: IBM Research donates AAAI Feigenbaum Prize for Watson to the Wikimedia Foundation. In: Wikimedia Foundation Blog. 16. Juli 2013, abgruefen am 9. September 2016 (änglisch).
- ↑ The Knowledge Graph team at Google: When we publicly launched Freebase back in 2007, we thought of it as a… In: Google+. 16. Dezember 2014, abgruefen am 9. September 2016 (änglisch).
|
Dä Artikel basiert uff ere fräie Übersetzig vum Artikel „Wikidata“ vu de dütsche Wikipedia. E Liste vu de Autore un Versione isch do z finde. |