Widnou

Widnau
Wappe vo Widnau
Basisdate
Staat:	Schwiiz
Kanton:	St. Galle (SG)
Wahlchrais:	Wahlkrais Rhintlw
BFS-Nr.:	3238i1f3f4
Poschtleitzahl:	9443 Widnau 9435 Heerbrugg
UN/LOCODE:	CH WNU (Widnau) CH HEE (Heerbrugg)
Koordinate:	765656 / 25222547.3999979.633339405
Höchi:	405 m ü. M.
Flächi:	4,20 km²
Iiwohner:	i10'178 (31. Dezämber 2022)
Website:	www.widnau.ch
Charte
Charte vo Widnau ww

Widnou (amtl. Widnau) isch as Rhintler Dorf mit über 9'000 Iwohner. Widnou isch mit dr Gründig ano 1883 di jüngschd politisch Gmoand z Sanggalla.

Gschichtlichs

Di international Rhiikorrektur und d Melioration vur Rhiiebeni – dozmol zukunftsorientierti technischi Grossprojekt – send Grundlage für di industriell Entwicklig vur Gmoand am Rhii gsi, wo allerdings vo konjunkturella Rückschläg prägt gsi ischt.

Ab öppa 1890 hät Widnou dur d Stickereiindustrie an beidruckanda wirtschtschaftlicha Ufschwung ärläbt. D Schifflistickmaschina, oder o Automata, sind i Käller, alta Schöpf, i neua Sticklokala und i Hallana ufgstellt wora. Gstickt wora isch vo Jung bis Alt und rund um d Uhr.
Vu 1925 awäg isch d Stickerei wäga dr wältwirtschaftlicha Situation i a Krisa ko und isch i da da 30er Johra völlig zämma brocha. Villna Widnouer Familana hät nocher d Arbet und s Ässa gfählt. I dära Ziit hond villi d Koffer packt. Mit Keand und Kegal hät mr a besseri Existenz gsuacht – vor allam ir USA.

Ab 1924 hät sich mit dr Asidlig vur Société de la Viscose Suisse, kurz Viskose, a Alternativa uftoa. As hät kum a Famili geh, wo nö ai oder zwo Miglider ir Viskose gschaffat hond. Zersch isch Kunstsida produziert wora, spöter Zellwulla und zum Schluss synthetischi Polyestergarn. Mitti vu da 1970er Johr hät d Viskose fast 1500 Beschäftigti ka. Im Zug vur Globalisierig hät sich dr Grossbetrieb für textili Massaprodukt in Widnou nümm behopta könna. Noch etlicha schmerzhafta Stellaabbauta hät d Viskose im Summer 2005 iri Tor für immer gschlossa.

Dr Kampf um d Existenz hät alli Widnouer prägt. D Offaheit, dr Optimismus und dr Pioniergeischt isch sprichwörtlich. So hät mer s Know-how us dr Automatastickerei witereintwicklat. Us dr Textilkrisa sind innovative, leistigsfähigi Kli- und Mittelunternehme entstanda.

Widnou isch hüt an vitala Wirtschaftsstanort und a beliebti familiafrüntlichi Wohngmeind. D Bevölkerig und d Behörda setzid sich dafür ih, dass die bsundrig Läbansqualität erhalta blibt.

Weblink

 Commons: Widnau – Sammlig vo Multimediadateie

• Offizielli Websiite vo dr Gmeind Widnou