Wendrsonn

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Wendrsonn live 2016

Wendrsonn isch a Band aus em Lendle, wo frei noch em Moddo Mir können fei auch Hochdeutsch, wellad aber net! ihre schwäbische Musig mached. Egal, ob se als Hauptakteur oder als Vorprogramm vom Joe Cocker oder Roger Hodgeson auftreted, s isch älleweil fier guate Laune gsorgt. Ma ka scho sage, dass se em Moment oine vo de bedeidenschte schwäbische Bands send.

D Musiger[ändere | Quälltäxt bearbeite]

Biggi Binder als Sengere, hot vorher bei zwoi andere Bands gsonge ond au scho a Solo CD aufgnomma. Dr Stricker Markus isch dr kreative Kopf ond Orgelmusiger. Vorher hot er scho Kammerchör gleitet ond bei barbed wire gschbielt. Dr Marquardts Klaus isch en schdierter Geiger aus em Remsdal. Dr Micha Schad isch dr Gittareschbieler, manche vergleiched en mit em Clapton oder em Santana. Dr Ove Bosch isch dr Bassischd ond dr Heiko Peter der Drommler vo Wendersonn.

Gschichtlichs[ändere | Quälltäxt bearbeite]

S hoisst, die Idee zu Wendersonn sei vom Wolle Kriwanek komme, wo zom Stricker Markus gmoind hot, er soll doch au mol ebbes deitschs mache. S hot dann allerdings no meh wie a Johr dauret, bis ebbes draus worde isch. Dr Name Wendersonn isch an ma kalte Wenderdag entstande, wo sich d Sonn en dr gfrorene Lache schbiegled hot.

Nominierunga, Platzierunga ond Preis[ändere | Quälltäxt bearbeite]

  • Deutscher Rock & Pop Preis 2014: Zwoidr Platz “Bestes Folkrockalbum”
  • Deutscher Rock & Pop Preis 2014: Nominierung “Beste Folkrockband”
  • SWR1 Hitparade 2014: Platz 131

CDs[ändere | Quälltäxt bearbeite]

  • 2006: songs von dahoim
  • 2009: Woisch no?
  • 2011: s'Läba isch koin Schlotzer
  • 2013: Reigschmeckter

Links[ändere | Quälltäxt bearbeite]

 Commons: Wendrsonn – Sammlig vo Multimediadateie