D Prässekumferänz mit em Günter Schabowski am 9. Novämber 1989
1918: Novämberrevolution: Dr Rychschanzler Maximilian vu Bade verchindet aigemächtig d Abdankig vum Chaiser Wilhelm II. un beufdrait dr Friedrich Ebert mit dr Amtsgschäft. Dr Sozialdemokrat Philipp Scheidemann rieft gege 14 Uhr vum Rychsdagsgebei di „dytsch Republik“ uus. Zwoo Stunde speter verchindet dr Spartakist Karl Liebknecht vum Berliner Stadtschloss uus di dytsch Räterepublik.
1932: Bi dr Uurueje vu Gämf 1932 verschieße Soldate vu dr Schwyzer Armee dryzeh Demonstrande bin ere antifaschistische Chundgebig un verletze sächzg schwär.
1938: Rychspogromnacht: Im Dytsche Rych chunnt s rychswyt zue organisierte Ibergriff gege Jude un jidischi Yyrichtige, wu unter anderem Synagoge in Brand gsteckt wäre. D Bolizei un d Fyyrwehr hän d Wysig iberchuu, nume nitjidisch Aigetum z schitze.
1989: Fall vu dr Berliner Muur: Noch ere Prässekumferänz, wu s SED-Politbiromitglid Schabowski sofortigi Raisefreihait verchindet het (Bild), wäre d Gränzibergangstelle an dr Berliner Muur un an dr innerdytsche Gränze ufgmacht. Des isch dr Aafang vum Änd vu dr DDR.
