Vorderzungewokaal

Vorderzungewokaal si Wokaal, wo d Zunge binene so wit vorne wie mööglig isch oone ass es e Verängig gääb, wo zum ene Konsonant chönnt füere. Das si d Vorderzungewokaal:

• Nid grundet gschlosse [i]
• Grundet gschlosse [y]
• Nid grundet zentralisiert fast gschlosse [ɪ]
• Grundet zentralisiert fast gschlosse [ʏ]
• Nid grundet halbgschlosse [e]
• Grundet halbgschlosse [ø]
• Nid grundet halboffe [ɛ]
• Grundet halboffe [œ]
• Nid grundet fast offe [æ]
• Nid grundet offe [a]
• Grundet offe [ɶ]

D Uswirkig uf Konsonante, wo vorusgöön

In dr Gschicht vo vile indogermanische Sprooche häi Vorderzungewokaal welaari Konsonante, wo vorusgöön zu palataale, postalveolare oder alveolare Konsonante veränderet. Äänligi Verändrige het s au in e hufe andere Sprooche gee, zum Bispil im Japanische. Die historischi Palatalisierig spieglet sich in dr Rächtschriibig von e baar öiropäische Sprooche, drunder c und g im Italiänische, Spanische und Franzöösische, k im Norwäägische und Schweedische und γ im Griechische.

	Vor Hinderzungewokaal	Vor Vorderzungewokaal
Änglisch "C"	call [kɒl]	cell [sɛl]
Änglisch "G"	gall [gɒl]	gel [dʒɛl]
Franzöösisch "C"	calque [kalk]	celà [sɞla]
Franzöösisch "G"	gare [gɑʁ]	gel [ʒɛl]
Italiänisch "C"	cara [kaɾa]	ciao [tʃao̯]
Italiänisch "G"	gallo [gallo]	genere [ˈdʒɛnɛɾɛ]
Schweedisch "K"	karta [kɑ:rta]	kär [ɕær]
Schweedisch "G"	gå [go:]	gick [jik]