Volker Klüpfel

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Dialäkt: Schwäbisch
Volker Klüpfel Leipziger Buchmesse 2013
Volker Klüpfel (links) und Michael Kobr 2013

Volker Klüpfel (* 1971 en Kempten (Allgäu)) isch a deutscher Krimiautor.

Volker Klüpfel isch en Altusried em Allgäu aufgwachsa. R hod Politikwissenschaft, Geschichte, Kommunikationswissenschaft und Journalistik schdudierd. Drnoch hod r als Journalist bei ara amerikanischa Zeidong ond beim Bayerischen Rundfunk gschaffd, ond drnoch a Zeitungsvolontariat agfanga. Dr Klüpfel war bis August 2008 Kulturredakteur vo dr Memminger Zeitung. Em September 2008 hod r er zur überregionala Kulturredaktion vo dr Augsburger Allgemeinen gwechseld ond wohnd seiddem en Augsburg. Seid 2012 isch r hauptberuflich Autor.

Schrifdstellerische Arbeida[ändere | Quälltäxt bearbeite]

Zsemma mid em Michael Kobr hod dr Volker Klüpfel da Kriminalroma Milchgeld geschrieba, mid dem es des Duo en d bundesweit Bestsellerlischda gschafft hod, ond mo inzwischa meh als 750.000 Mal vrkaufd worra isch. D Haubdfigur vo deam Buch isch dr schrullig Kommissar Kluftinger. Dr zwoide Krimi mid em Kommissar Kluftinger, Erntedank, war wochalang auf em Platz fenf en dr Focus-Bestsellerliste.

Dr dritte Krimi vo dem Duo, Seegrund, isch em September 2006 erschiena ond isch glei en de Bestsellerlischda gwea, mo r ibr zeha Monad blieba isch. Do drmid wared Klüpfel ond Kobr d deutsche Autora mid dr längschda Vrweildauer en de Bestsellerlisten 2006/2007 (höchschde Blätz em Spiegel Platz 5, em Focus Platz 2). Alles zsemma hend dia Biachr a Auflag vo übr ara Millio gschaffd.[1] Drzua isch au a Film gmachd worra.[A 1]

Em März 2008 isch dr vierde Kluftinger-Krimi mid em Titel Laienspiel erschiena. Der isch schao en dr erschda Woch 100.000 mol vrkaufd worra.

Em Herbschd 2008 hod dr Bayerischen Rundfunk Erntedank als an Fernsehfilm produzierd ond am 26. September 2009 em Bayerischen Fernsehen s erschdmol gsendad.[2] En groaßa Doil vo dem Film isch en Memmingen drehd worra. A alds Verwaldongsgebäude vo de Lechwerke am Schweizerberg isch als Polizeirevier gnomma worra. mid Schauspieler, mo scho en Erntedank mitgespielt hend, isch 2012 dr Fernsehfilm Milchgeld dreht worra, mo a baarmol en dr ARD ond en Regionalprogramm zoigd worra isch. A dritter Fernsehkrimi, Seegrund isch drnoch komma.

Dr fenfde Kluftinger-Krimi mid am Nama Rauhnacht isch am 11. Septembr 2009 rauskomma.[3] R isch en de Spiegelbestsellerlista direkt auf d Position 1 komma.

Dr sechsde Kluftinger-Krimi, Schutzpatron, isch em Jahr 2011 komma.

Dr siebde Kluftinger-Krimi hod da Titl Herzblut ond isch em Februar 2013 mid ara Startauflag vo 250.000 Stück erschiena. Alle Kluftinger-Krimis send en gkürzte Fassong, vom Klüpfel ond em Kobr selbr gelesea, als Hörbüachr z kriaga. S Buach Rauhnacht war d Vorlag fir a Theaterstück vom Landestheater Schwoba en Memmingen. A weiter Kluftinger-Gschichd, s Theaterstück Wetterleuchten fir s Landestheater hodt koi Romanvorlag. Des hend Kobr ond Klüpfel oigns drfir gschrieba

Volker Klüpfel mit Bühnerequisit 2012

Dr achde Kluftinger-Krimi isch Grimmbart - Kluftingers neuer Fall 2014.

„Himmelhorn – Kluftingers 9. Fall“ isch 1916 em Septembr fällig.

Alle Kluftinger-Krimis send en gkürzte Fassong, vom Klüpfel ond em Kobr selbr gelesea, als Hörbüachr z kriaga.

Middlrweil geits au zwoi Kluftinger-Brettspiel, Artikel wia Kloidr ond Tascha ond a Kluftinger-Kochbuach. Driebrnaus hend dia zwoi Autora a Buach ibr ihre Lesreisa durch Deutschland, Österreich ond d Schweiz gschrieba. Aus ihre Lesonga mid Onderhaldongseilage hend se a Vranschdaldongsform, d Litcomedy endwiggld, mid dem se 2013 aufdredda send.

D Kluftinger-Krimis send zsemma 4,5 Milliona mol verkaufd worra. (Stand Februar 2013).

Auszoichnonga[ändere | Quälltäxt bearbeite]

  • 2005 Bayerischer Kunstförderpreis Literatur für Erntedank
  • 2008 MIMI (Krimi-Publikumspreis des Deutschen Buchhandels)
  • 2008 Kulturpreis der Stadt Memmingen
  • 2008 Corine (Literaturpreis) (Weltbild Leserpreis) für Laienspiel
  • 2008 Leser von Amazon.de wählen Kommissar Kluftinger zum beliebtesten Krimihelden
  • 2009 MIMI (Krimi-Publikumspreis des Deutschen Buchhandels)
  • 2011 Kulturpreis Bayern

Biachr, zsemma mid em Michael Kobr[ändere | Quälltäxt bearbeite]

Michael Kobr und Volker Klüpfel bei einem Interview auf der Frankfurter Buchmesse 2009

Webadressa[ändere | Quälltäxt bearbeite]

 Commons: Volker Klüpfel – Sammlig vo Multimediadateie

Amergonga[ändere | Quälltäxt bearbeite]

  1. mid dem warad d Boide ned oinig. Drzua ond meh em Interview en de Weblinks

Wo s her isch[ändere | Quälltäxt bearbeite]

  1.  Terror ond Tanzstunde. In: Der Spiegel. Nr. 22, 2008 (Online).
  2. Sendetermin von „Erntedank“ (abgerufen am 28. August 2009) Archivlink (Memento vom 5. Dezämber 2015 im Internet Archive)
  3. dr neue Kluftinger heißt ... (abgerufen am 2. Juni 2009)
Information icon.svg Dä Artikel basiert uff ere fräie Übersetzig vum Artikel „Volker Klüpfel“ vu de deidsche Wikipedia.

E Liste vu de Autore un Versione isch Klüpfel&action=history do z finde.