Vierlindebrunne

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

47.5518472222227.5894555555556Koordinaten: 47° 33′ 7″ N, 7° 35′ 22″ O; CH1903: 611354 / 266803

Dr Vierlindebrunne
Dialäkt: Baseldütsch

Dr Vierlindebrunne isch en öffentlige Brunne im Baasler Vorstedtkwardier. Er stoot am Egge vo dr Stäinedoorstrooss zum Kloosterbärg. Sit 1915 isch er dänggmolgschützt und gältet as e Baasler Kulturguet, wo für d Regioon vo Bedütig isch.

Gschicht[ändere | Quälltäxt bearbeite]

Dr Brunne existiert as Sodbrunne sit 1758. 1845 isch er an s Münster-Brunnwärk aagschlosse worde und vo denn aa het er fliessends Wasser gfüert, aber erst 1901 het mä us hügienische Gründ dr Sod mit ere Stäiblatte zuedoo. 1964 isch er renowiert worde.

Bedütig[ändere | Quälltäxt bearbeite]

Dr Vierlindebrunne isch dr letscht richdig Sodbrunne vo Basel und immer no s Original vo 1758, was äinzigartig isch. Die mäiste alte Brünne het mä nämlig äntwääder abgrisse oder ins Historische Museum brocht und mit Kopie ersetzt. Scho 1869 stoot im ene Verwaltigsbricht gschribe, ass mä dä Brunne wäge sinere Bedütig sött für d Noochwält erhalte. Es stöön immer no vier Lindeböim an de vier Egge vom Brunne, es si aber nid die ursprünglige Böim. Im Joor 1900 si die grangg worde und mä het sä müesse ersetze.

Beschriibig[ändere | Quälltäxt bearbeite]

Dr Brunne bestoot us drei Beggi. Über em middlere Brunnebeggi, won emol dr Sodbrunne drunder gsi isch, stoot e Kuppeldach uf vier Süüle mit ere Chuugele oobe druf. S Dach het dr Sod vor Wind und Wätter gschützt und dr Küübelufzug isch dra aagmacht gsi. Am Ändi vom gröössere Beggi het s non e chliises Beggeli. Bi dr Renowazioon 1964 het dr Brunne am Kapitell und an ere Läiste Vergoldige überchoo.

Kwelle[ändere | Quälltäxt bearbeite]