Vertrag von Paris

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Mit em Begriff Verdrag vo Paris chönne verschiideni Verdragsschlüss gmeint si. In der französische Hauptstadt Paris si vili internationali Verdräg abgschlosse worde.

Au d Friidensverdräg wo z Paris abgschlosse worde si, si do uf dere Liste.

  • Verdrag vo Paris (1229), wo am 12. April 1229 s Ändi vo de Albigenserchrieg brocht het, d Grafe vo Foix zu Vasalle vo Frankreich gmacht und em Raimund VII., Graf vo Toulouse, erhebligi Zuegständniss abverlangt het.
  • Verdrag vo Paris (1259), wo sich am 4. Dezember 1259 de Heinrich III. vo Ängland und dr Ludwig IX. vo Frankriich über änglischi Gebiet in Frankriich verständigt hai.
  • Verdrag vo Paris (1295) (au „The Auld Alliance“ gnennt), wo Frankriich Schottland militärischi Unterstützig zuegsicheret het.
  • Verdrag vo Paris (1303), wo am 20. Mai 1303 dr Philipp IV. vo Frankriich s Lääche vom Eduard I. vo England anerkennt het.
  • Verdrag vo Paris (1310), wo sich dr Philipp IV. vo Frankriich und der dütsch König Heinrich VII. verständigt hai.
  • Verdrag vo Paris (1320), wo e Versöhnig vom Robert III., Graf vo Flandere, mit em französische König Philipp V. bewirkt het.
  • Verdrag vo Paris (1355), wo am 5. Januar 1355 dr Amadeus VI., Graf vo Savoye, Bsitzarrondierige mit em Iiverstoh vom König Johann II. vo Frankreich gwährt het.
  • Verdrag vo Paris (1498), gschlosse zwüsche Frankriich und em Philipp em Schöne, Graf vo Flandere
  • Verdrag vo Paris (1515), wo am 24. März 1515 dr Graf vo Flandere, dr künftig Kaiser Karl V. im Heilige Römische Riich, e Bündnis mit em Franz I. vo Frankriich abgschlosse het für zum die spanisch Chrone überzcho.
  • Verdrag vo Paris (1626), unterschriibe vom Ludwig XIII. vo Frankriich
  • Verdrag vo Paris (1634), wo am 1. November 1634 dr Ludwig XIII. vo Frankriich Schwede gegenüber sich verpflichtet het, mit Soldate und Gäld bim Chrieg z Dütschland z hälfe.
  • Verdrag vo Paris (1635), zwüsche Frankriich und dr Republik vo de Siibe Vereinigte Niiderlande as Angriffs- und Verteidigungspakt gegen Spanie und wo d Deilig vo de spanische Niiderlande plant wird.
  • Verdrag vo Paris (1749), wo Gämf under anderem Chancy und Avully überchunnt
  • Verdrag vo Paris (1763), wo em Siibejöhrige Chrieg es Ändi gmacht het – isch im 18. Johrhundert mänggisch as „dr Erst Verdrag vo Paris“ bezeichnet worde.
  • Verdrag vo Paris (1783), wo am 3. September 1783 em Amerikanische Unabhängigkeitschrieg es Ändi gmacht het - isch im 18. Johrhundert mänggisch as „dr Zweit Verdrag vo Paris“ bezeichnet worde. Am gliiche Tag si d Verdräg zwüsche Frankriich und Grossbritannie bzw. Grossbritannie und Spanie underschriibe worde.
  • Verdrag vo Paris (1796) vom 15. Mai 1796 zwüschen Frankriich und em Königriich Piemont-Sardinie bezüglich Savoye und Nizza.
  • Verdrag vo Paris (1801), wo am 24. August 1801 Frankriich Bayre dr Bsitz vo de rächtsrhiinische Landesdeil garantiert und vollwärtigi Entschädigung für e Verlust vo de linksrhiinische zuegsicheret het.
  • Pariser Verdrag (1802), wo Württebärg am 20. Mai 1802 si linksrhiinisch Bsitz an Frankriich ändgültig muess abge, aber wo em Entschädigung zuegsicheret wird.
  • Verdrag vo Paris (1802), wo am 26. Dezember 1802 dr Grossherzog Ferdinand III. vo Toskana mit em neue Herzogtum Salzburg entschädigt wird.
  • Verdrag vo Paris (1804) vom 5. Mai 1804 zwüschem Napoleon und em Graf Ludwig vo Bentheim-Steinfurt.
  • Verdrag vo Paris (1806), am 12. Juli 1806 underschriibe, het d Bildig vom Rhiibund greglet.
  • Verdrag vo Paris (1810), het am 6. Januar 1810 em Chrieg zwüsche Frankriich und Schwede es Ändi gmacht.
  • Pariser Verdrag (1810), abgschlosse am 28. Februar 1810, wo Bayre entschädigt het.
  • Verdrag vo Paris (1814), wo am 30. Mai 1814 em sechste Koalitionschrieg gege Frankriich es Ändi gmacht het – im 19. Johrhundert as dr "Erst Pariser Friide" gseh.
  • Verdrag vo Paris (1815), wo am 20. November 1815 s Ändi vo der napoleonische Herrschaft besiiglet het und Frankriich uf s Gebiet vo 1790 begränzt het, au dr "Zweit Pariser Friide" gnennt.
  • Verdrag vo Paris (1816), wo d Karibikinsle Bonaire Holland zuegsproche het.
  • Verdrag vo Paris (1856), wo am 30. März 1856 em Krimchrieg es Ändi gmacht het – au as dr "Dritt Pariser Friide" bezeichnet.
  • D Pariser Seerächtsdeklaration vom 16. April 1856
  • Verdrag vo Paris (1857), unterschriibe am 26. Mai 1857 - der preussisch König Friedrich Wilhelm IV. verzichtet ändgültig uf s Fürstentum Neueburg mit der Grafschaft Valangin.
  • Verdrag vo Paris (1898), wo am 10. Dezember 1898 em spanisch-amerikanische Chrieg es Ändi macht.
  • Verdrag vo Paris (1900), wo d Kolonialmächt Grossbritannie, Frankriich, Spanie und Dütschland ihre afrikanische Bsitz Gränze setze.
  • Verdrag vo Paris (1928), e Chriegsächtigsverdrag, wo au as "Briand-Kellogg-Pakt" bekannt isch.
  • S Gruber-De-Gasperi-Abkomme vom 5. September 1946
  • Verdrag vo Paris (1947), wo am 10. Februar 1947 d Gränzverläuf und die übrige Friidensbedingige mit de "chliinere" Chriegsverlierer (Italie, Jugoslawie, Griecheland, Rumänie, Ungarn, Bulgarie und Finnland) behandlet.
  • Verdrag vo Paris (1951), wo am 18. April 1951 Belgie, Dütschland, Frankriich, Italie, Luxeburg und Holland d Gründig vo der Europäische Gemeinschaft für Chohle und Stahl abmache.
  • Verdrag vo Paris (1952), wo am 27. Mai 1952 en Europäischi Verdeidigungsgemeinschaft het welle schaffe, aber 1954 vo Frankriich nit ratifiziert worden isch und nit in Chraft drätten isch.
  • Verdrag vo Paris (1973), wo im Februar em Chrieg zwüsche Nordvietnam und Südvietnam under Iibeziehig vo der USA hätt sötte es Ändi mache, aber vo 1974 a verletzt worde isch.
  • Verdrag vo Paris (1991), e Veribarig vom 23. Oktober 1991, wo em Bürgerchrieg z Kambodscha sött es Ändi mache.
  • Verdrag vo Paris (1997), e Grundlageverdrag mit der NATO wo Russland dr Status vom ene assoziierte Mitgliid git.
  • S Pariser Abkomme über Effektivität vo Entwickligszsämmenarbet (Paris declaration on Aid Effectiveness) vo 2005.
Dä Artikel basiert uff ere fräie Übersetzig vum Artikel „Vertrag_von_Paris“ vu de dütsche Wikipedia.

E Liste vu de Autore un Versione isch do z finde.