Val d’Uina
S Val d’Uina isch es Bärgtal im Engadin.
Es lyt im Gebirge zwüschen em Inntal und em Etschtal a der Gränze vo der Schwiiz zu Italie. Es isch uf em Gmeindgebiet vo Schuls, südlich vom Dorf Sent.
Dur s Tal ab lauft dr Bärgbach Uina, wo bim Dörfli Sur En vo dr rächte Syte in Inn mündet. Uf beide Syte vom Tal sind hööchi Bäärge, uf dr rächte Syte dr Piz Uina, wo uf dütsch Grianchopf heisst, un dr Pis S-chalambert, und uf dr lingge Syte dr Piz Cristanas, dr Piz Rims un dr Piz Ajüz.
Im ängge Tal het’s zwüsche de Bärgwälder uf chlyne Bödeli d Alpsidlige Uina Dadaint und Uina Dadora, wo d Sidonia Klainguti drvo gschribe het. Dur s Tal uf goot e Bärgwääg, wo me vom Underengadin häär ufe zimli flach Bode vom Schlinigpass chunt; im oberschte Teil vom Tal isch dr Wääg vo 1908 bis 1910 künschtlich us ere hööche Felswand usegsprängt woorde. Chly weschtlich vo dr Passhööchi isch d Landesgränze, wo au d Gränze isch zwüschem Bünderland und dr iteliänische Provinz Südtirol. Ännedra isch s Schlinigtal, wo dr Metzbach durab lauft; dää mündet bi Schleis i d Etsch.
-
dr Wääg im Felse -
d Alpsidlig Uina Dadora
Literatur
[ändere | Quälltäxt bearbeite]- Sidonia Klainguti: Uina Dadora. In: Annalas da la Societad Retorumantscha 111. Societad Retorumantscha, Chur 1998. S. 159–178.
Weblink
[ändere | Quälltäxt bearbeite]
Commons: Val d’Uina – Sammlig vo Multimediadateie