Umspannwerk Laufeburg
S Umspannwerk Laufeburg (au als «Stärn vo Laufeburg» bezeichnet[1]) isch s gröschti Schwiizer Umspannwerk.
Es ligt zwüsche Laufeburg und Chaischde uf em Gmeindsbann vo Chaischde, am Rhii grad südlich vom Chraftwerk Laufeburg. Es het für de Strommarkt z Europa e grossi Bedütig. D Aalaag wird vo de Swissgrid betriibe.
Sini Wurzle gönt bis ins Johr 1958 zruck, wo me hiir d Stromnetz vo Frankriich, Dütschland und de Schwiiz zämmegschaltet het. Was bisher numme innerhalb vo de Länder geh het, nämlich iiheitlichi Leischtigs- und Frequenzregelige, het's dadermit z Europa über Landesgränze usse geh.
Z Laufeburg isch zum erschte Mol überhaupt Schwefelhexafluorid als Middel zum isoliire und als Löschgas vo Lichtböge iigsetzt worde, e Technik, wo sich in de Zwischeziit wältwit durchgsetzt het.[2]
Hüt chömmed im Umspannwerk zeh Überlandleitige uf de Sammelschiine vo de Schaltaalag zämme,[3] Dezue ghöre d 380-kV-Leitigg vo Laufeburg über de Jura zum Chärnchraftwerk Gösge und d Leitig vo Laufeburg uf Bassecourt und d Gemmileitig, wo bi ihrem Bau in der 1960er-Johr di längschti Stromleitig vo de Schwiiz isch gsi.
Weblink
[ändere | Quälltäxt bearbeite]
Commons: Umspannwerk Laufeburg – Sammlig vo MultimediadateieEinzelnochwis
[ändere | Quälltäxt bearbeite]- ↑ Badischi Ziitig: Energie für kühne Industrieträume (Site cha nüme abgrüeft wärde; Suche im Webarchiv)
- ↑ 50 Jahre Stern von Laufenburg (Memento vom 9. Mai 2019 im Internet Archive) uf swissgrid.ch
- ↑ Informatione über s Umspannwerk Laufeburg (Memento vom 25. April 2010 im Internet Archive) uf www.loruenser-substations.com
Koordinate: 47° 33′ 2,2″ N, 8° 2′ 59,3″ O; CH1903: 646008 / 266833