Trudi Gerster

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Dialäkt: Baseldütsch
d Trudi Gerster im 2009

D Trudi Gerster (* 6. September 1919 z Sanggalle; † 27. April 2013 z Baasel[1]) isch e Schwizer Schauspiilere, Määrliverzelere und Politikere gsi.

Karriere[ändere | Quälltäxt bearbeite]

D Gerster het 1939/40 d Schauspiilschuel Züüri absolviert und het Brivaatunderricht u.a. bim Ernst Ginsberg gnoo. An dr Landi 1939 het si iir ersts Angaaschmang as «Määrlifee» überchoo. Vo 1940 bis zur Geburt vo iire Chinder isch si am Stadttheater Sanggalle aagstellt gsi, wo si u.a. d Gretchen im Goethe sim Faust gspiilt het, und het regelmäässig Gschichtli im Chinderbrogramm vom Schwizer Radio verzelt. Vo 1945 aa isch si freiji Schauspiilere gsi. Nääbedraa het d Gerster meereri Chinderbüecher verfasst. D Gerster het iiri Schauspiilkarriere in dr Middi vo de nünzäähundertfufziger Joor ufgee.

As Määrliverzelere het d Trudi Gerster drei Generazioone vo Schwizer wäärend iirer Chindhäit begläitet. Si het klassischi Määrli vo de Brüeder Grimm und vom Andersen verzelt, aber au Gschichte wo si sälber erfunde het. Si eht in e Hufe Hörspiilbrodukzioone mitgmacht und Hörbüecher uusegee. Si het Briis für e Hufe vo iire Doondrääger überchoo und für iir Wärk im Allgemäine: 1998 isch si zur beliebtiste Kulturschaffende in dr Schwiz gwelt worde und 2005 het si dr Eere–Prix Walo überchoo[2].

Politik[ändere | Quälltäxt bearbeite]

Vo 1968 bis 1980 isch d Gerster im Groosse Root vom Kanton Baasel-Stadt gsässe, zerst as Bardeiloosi, spööter as Verdrätere vom Landesring vo de Unabhängige. Si het sich für d Fürderig vo dr Kultuur (u.a. Basler Chindertheater) und Umwältschutz iigsetzt ind isch Vorstandsmitgliid vom Baasler Häimetschutz gsi.

Brivaat[ändere | Quälltäxt bearbeite]

D Gerster isch zwäimol verhürootet gsi und het zwäi Chinder, d Esther Jenny und dr Andreas Jenny mit iiren erste Maa ghaa[3].

Wärk (Uswaal)[ändere | Quälltäxt bearbeite]

Erzäälige[ändere | Quälltäxt bearbeite]

  • Trudi Gerster erzählt – Edition erlebt und erinnert (2010)
  • Weihnachtsgeschichten (2002)
  • Wie der Elefant zum Rüssel kam (2001)
  • Zauberhexen – Hexenzauber (1999)
  • Drachengeschichten (1998)
  • Schweizer Märchen (1990)
  • Wie der Elefant zum Rüssel kam (1986)

Filmografii[ändere | Quälltäxt bearbeite]

  • Lüthi und Blanc (TV-Soap, 2005)
  • Geld oder Leben (Kinofilm, 2008)[4]
  • Trudi Gerster – Die Märchenkönigin (Kinofilm, 2009)[5]

Litratuur[ändere | Quälltäxt bearbeite]

Weblingg[ändere | Quälltäxt bearbeite]

Fuessnoote[ändere | Quälltäxt bearbeite]

  1. Die «Märlikönigin» Trudi Gerster ist tot, Tages-Anzeiger/Newsnet, 28. April 2013, abgrüeft am 28. April 2013.
  2. Ehren Prix Walo
  3. Website vo dr Trudi Gerster
  4. Geld oder Leben Archivlink (Memento vom 25. Jänner 2016 im Internet Archive)
  5. Trudi Gerster – Die Märchenkönigin
Information icon.svg Dä Artikel basiert uff ere fräie Übersetzig vum Artikel „Trudi_Gerster“ vu de dütsche Wikipedia.

E Liste vu de Autore un Versione isch do z finde.