Tromla

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Dialäkt: Baseldytsch
Tromla

Tromla (* 5. Januar 1975 in St. Ingbert als Christoph Hans) isch e dytsche Schlaagzyyger.

Lääbe[ändere | Quälltäxt bearbeite]

Als klassisch uusbildete Schlagzyyger hett är einigi Joor bim Landesjugendorcheschter Saarland und in dr Bärgkapälle Sanggt Ingbert gspiilt. [1] Ab de Nüünziger hett er in lokale Bänds, unter andere d' Disko-Bänd "Fresh" oder d' Räppergruppe "bodelosi Frächheit" gspiilt.

1997 het dr Tromla zämme mit 'm Bassischt Flo:Pee d' Eleggdro-Funk-Gruppe Reaktor gründet. D' Bänd hets bis 2004 gää, si hett zwäi CDs uusebrocht.

Sitem Ändi vo de Nyynziger improvisiert er hüffig als Live-Schlagzyyger zämme mit DJs vo dr eleggdroonische Danzmusigg. So ischr zämme mit de DJs Blake Baxter, Stewart Walker, Doc Phatt, Märtini Brös[2] und Cristian Vogel odr im Hip-Hop-Beriich mit Boulevard Bou odr Denyo in Clubs und Diskos in ganz Dytschland uffdrätte. Währnd zwei Joor het är si eigene Oobe im Saarbrücker Blau Niteclub namens Tromlas Elektroklub kha.[1]

Dr Tromla hett au experimentelli Uffdritt kha, zem Biispiil hett är e 24-stündigs, medidattyvs Solo in dr Johanneskirche Saarbrücken im Joor 2001 gmacht und hett uff em Album "Eintopf" e stündigi Improvisation veröffendlicht, wonr als ainziggs Instrumänt e Kochdopf bruucht.

Diskografie[ändere | Quälltäxt bearbeite]

  • 2000: elektrosuperstars (EP/mit Reaktor)
  • 2004: Hyperdimension (mit Reaktor)
  • 2011: Eintopf, Label: Twin Town Productions

Übrigs[ändere | Quälltäxt bearbeite]

Untr sym richtige Naame Christoph Hans het dr Tromla im Joor 1994 e Comic uusebrocht.[3] 2004 hett är's als Reschissör vumene Comedy-No-Budget-Film mit em Name Der Hering probiert, bi däm unter andere Katharina Bihler und Stefan Scheib als Schauspieler mitgmacht hän.[4][5]

Weblinks[ändere | Quälltäxt bearbeite]

Einzelnachweise[ändere | Quälltäxt bearbeite]

  1. 1,0 1,1 Heinz Kronberger: Hans im Glück in drums&percussion, Nr. 3 Mai/Juni 2012, Seite 56–57
  2. Roland Helm - Norbert Küntzer: Saar Rock History Volume 1 & 2, Raueiser Verlag Saarbrücken 2011, ISBN 9783876610375, S. 379
  3. Kritik zu "Flupp Nr.1" in der PLOP (Fanzine) Nr.45
  4. Videokünstler reisen sogar aus Paris an bei saarbruecker-zeitung.de
  5. Der Hering bei kinowerkstatt.de