Totalitarismus

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Mit Totalitarismus bezeichnet me in dr Politikwüsseschaft e diktatorischi Form vo Herrschaft, wo alli soziale Verhältniss wot kontrolliere oder wenigstens entscheidend beiiflusse, im Underschiid zu nere autoritäre Diktatur, wo sich mit dr Repression vo Widerstand gege s Regime begnüegt. Hüfig will e totalitäri Herrschaft e „neue Mensch“ forme noch ere bestimmte Ideologii. En autoritäri Diktatur will dr Status quo biibhalten, mit Gwalt, wenn s nit andersch goht, die totalitäri Diktatur, wo me nere au Despotismus sait, verlangt vo alle Beherrschte en aktivi Bedeiligung am Staatsläbe und däm si Wiiterentwicklig in ere Richtig, wo vo dr herrschende Ideologii bestimmt wird. Typisch für e Totalitarismus si d Mobilisierig vo de Mensche in Massenorganisatione und d Usgränzig und sogar d Vernichtig vo dene, wo gege dr totali Herrschaftsaspruch Widerstand leiste oder chönnte leiste. S politische Gegemodell zum Totalitarismus isch der demokratisch Rächtsstaat, wo d Freiheit vo de Staatsbürger gschützt si mit Grundrächt, Gewaltedeilig und hüfig ere Verfassig. Noch em Jacob Talmon cha sich aber au e demokratische Rächtsstaat zu nere totalitäre Demokratii entwiggle.

Dä Artikel basiert uff ere fräie Übersetzig vum Artikel „Totalitarismus“ vu de dütsche Wikipedia.

E Liste vu de Autore un Versione isch do z finde.