Thomas Burgherr

Us der alemannische Wikipedia, der freie Dialäkt-Enzyklopedy
dr Thomas Burgherr

Dr Thomas Burgherr (* 1. Augschte 1962) isch e Schwiizer Undernäämer und Politiker.

Er het z Wilibäärg d Primarschuel un z Reitnau d Bezirksschuel bsuecht und isch Zimmermaa woorde. Iim ghört d Firma Burgherr Moosersäge AG. Das isch e Saagi wo s sit em 19. Joorhundert git. D Fabrigg macht Holzarbete für Hüüser und anderi Bouwäärch.

I dr Politik isch dr Burgherr bi dr SVP. Er isch dr Amme vo Wilibäärg gsi und 1997 Aargauer Groossroot woorde. Sit 2012 isch er dr Presidänt vo dr SVP Aargau. 2015 het men en i Nazionalroot gwählt und 2019 isch er wider gwählt woorde.