Zum Inhalt springen

Therese Affolter

Us der alemannische Wikipedia, der freie Dialäkt-Enzyklopedy
Dialäkt: Undermarkgreflerisch

D Therese Affolter (* 28. Novämber 1951 z Bärn[1]) isch e Schwyzer Schauspiileri.

Lääbe[ändere | Quälltäxt bearbeite]

Si het vu 1971 bis 1974 Schauspiil am Max-Reinhardt-Seminar z Wien studiert un dert scho erschti Ufdrit am Wiener Theater der Courage un am Theater am Neumarkt z Züri ghaa. Vu 1974 bis 1979 het si ne Engaschmänt am Wirttebärgische Staatstheater Stuegert ghaa un do unter anderem d Elsie in dr Uruffierig vu Sonntagskinder vu dr Gerlind Reinshagen (Reschye: Alfred Kirchner), s Gretchen in s Goethes Faust (Reschy: Claus Peymann) un d Isabella in s Shakespeares Mass für Mass (Reschy: B. K. Tragelehn) gspiilt het

Anne 1979 isch d Affolter an s Schauspiilhuus Bochum gwägslet, wu si in dr Titelroll in Die heilige Johanna der Schlachthöfe vum Bertolt Brecht ufdrätten isch. Vu 1980 bis 1983 isch si Miotglid vum Ensemble vum Dytsche Schauspiilhuus z Hamburg gsi un het dert unter anderem d Polly in Die Dreigroschenoper vum Bertold Brecht / Kurt Weill un d Eve in Der zerbrochene Krug vum Heinrich von Kleist gspiilt.

Vu 1983 bis 1985 het si ne Engaschmänt am Minchner Residenztehater ghaa un het dert unter anderem d Porzia in s Shakespeares Der Kaufmann von Venedig un d Mascha in Die Möwe vum Anton Tschechow (Reschy: Arie Zinger) gspiilt. Anne 1985 het si am Schauspiilhuus Köln unter anderem d Titelroll Die Jungfrau von Orleans vum Friedrich Schiller (Reschy: Jürgen Flimm) gspiilt. Vu 1985 bis 1987 het si derno am Thalia-Theatwer z Hamburg gspiilt, unter anderem s Mae in Die Katze auf dem heissen Blechdach vum Williams.

Vu 1987 bis 1999 isch d Therese Affolter Mitglid vum Ensemble vum Burgtheater z Wien gsii. Dert het si anderem s Ariel in s Shakespeares Der Sturm (Reschy: Claus Peymann), d Herta in dr Uruffierig vu Heldenplatz vum Thomas Bernhard (Reschy: Claus Peymann) gspiilt, d ShenTe/Shui Ta in Der gute Mensch von Sezuan vum Bertold Brecht (Reschy: Manfred Karge), d Babakina in Ivanov vum Tschechow (Reschy: Peter Zadek), s Eleonore in Tango vum Mrożek (Resch: Konstanze Lauterbach), d Titelroll in Die heilige Johanna der Schlachthöfe vum Brecht (Reschy: Frank-Patrick Steckel) un d Titelroll in Mutter Courage und ihre Kinder vum Brecht (Reschy: Konstanze Lauterbach).

In dr Spiilzyt 1999/2000 sich dAffolter zäme mit em Claus Peymann ans Berliner Ensemble gwägslet, wu si bis 2006 bliben isch. Dernäbe het si as Gascht au an dr Schaubühne am Lehniner Platz gspiilt.

Anne 2006 het d Therese Affolter am Zimmertheater Dibenga un am Schauspielhaus Graz gaschtiert, in dr Spiilzyt 2006/07 het mer si am Volkstheater Wien chenne sää.

Drotz ass si in dr Hauptsach am Theater schafft, het d Therese Affolter au bi verschidene Film un Färnsehserie mitgmacht, unter andere het si 1986 d Ulrike Meinhof im Film Stammheim vum Reinhard Hauff gspiilt.

Filmografy[ändere | Quälltäxt bearbeite]

  • 1973: Ein junger Mann aus dem Innviertel (Färnsehfilm)
  • 1976: Die Alpensaga, Teil 1 – Liebe im Dorf
  • 1979: Letzte Liebe
  • 1980: Nestbruch
  • 1981: Das Flugjahr
  • 1981: Die heilige Johanna der Schlachthöfe
  • 1982: Grenzenlos
  • 1983: Heller Wahn
  • 1986: Der Fahnder, (Färnsehserie, Folg 1x14 Cop Conny)
  • 1986: Mit meinen heißen Tränen (Dreidailer)
  • 1986: Stammheim
  • 1987: Komplizinnen
  • 1989: Heldenplatz
  • 1992: Dead Flowers
  • 1993: Das Dorf an der Grenze (Färnsehfilm)
  • 1994: Schartl
  • 1994: Kilometer 123,5
  • 1995: Es war doch Liebe?
  • 1996: Lisa und die Säbelzahntiger
  • 2000: Der Umweg
  • 2003: Maries Herz
  • 2007: Tatort – Unter Uns
  • 2008: Der Freund
  • 2009: Frühling im Herbst (Färnsehfilm)
  • 2009: Tatort – Gesang der toten Dinge
  • 2012: Tatort – Kein Entkommen
  • 2012: Schnell ermittelt (Färnsehserie, Folge 4x01 Ivonne Werner)
  • 2013: SOKO Wien (Färnsehserie, Folg 8x04 Staub zu Staub)
  • 2013: About: Kate (Fernsehserie, 11 Folgen)
  • 2015: Die Toten vom Bodensee – Familiengeheimnis (Färnsehfilm)
  • 2016: Inga Lindström: Gretas Hochzeit (Färnsehserie)
  • 2018: Die kleine Hexe
  • 2020: Frieden (Färnsehserie)
  • 2022: Tatort: Risiken mit Nebenwirkungen (Färnsehserie)

Uusgläseni Heerspiil[ändere | Quälltäxt bearbeite]

  • 2005: Tankred Dorst: Parzivals Weg. Regie: Beate Andres, Mitwirkende: Marc Hosemann, Therese Affolter, Max Hopp, Judith Engel, Herbert Fritsch, Jürgen Holtz, Christine Oesterlein, Edgar Selge, Tankred Dorst, Martin Engler, Katharina Burowa, u. a., 61 Minute, DLR.
  • 2015: David Zane Mairowitz: Hornissengedächtnis – Reschy: David Zane Mairowitz (Heerspiil – SRF/ORF)

Uuszaichnige[ändere | Quälltäxt bearbeite]

  • 1974: Ferderigsbrys zur Kainz-Medaille
  • 2001: Chunschtbrys vum Kanton Soledurn

Literatur[ändere | Quälltäxt bearbeite]

  • C. Bernd Sucher (Hrsg.): Theaterlexikon. Autoren, Regisseure, Schauspieler, Dramaturgen, Bühnenbildner, Kritiker. Von Christine Dössel und Marietta Piekenbrock unter Mitwirkung von Jean-Claude Kuner und C. Bernd Sucher. 2. Auflage. Deutscher Taschenbuch-Verlag, München 1999, ISBN 3-423-03322-3, S. 14.
  • Julia Danielczyk: Therese Affolter. In: Andreas Kotte (Hrsg.): Theaterlexikon der Schweiz. Band 1. Chronos, Zürich 2005, ISBN 3-0340-0715-9, S. 30 f.
  • Madeleine Schüpfer: Porträt der Schauspielerin Therese Affolter. In: Oltner Neujahrsblätter, Bd. 52, 1994, S. 80–81.

Weblink[ändere | Quälltäxt bearbeite]

Fueßnote[ändere | Quälltäxt bearbeite]

  1. Geburtsort no Wolfgang Brauneck, Wolfgang Bech (Hg): Theaterlexikon 2, rowohlts enzyklopädie, 2007: Oute.