Theodor I.

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
dr Theodor I., Darstellig in dr Basilika Sankt Paul vor dr Muure

Dr Theodor I. (* im 6. oder 7. Johrhundert z Jerusalem; † 14. Mai 649 z Rom) isch vum 24. Novämber 642 bis zue sym Dood Papscht un Bischof vu Rom gsii.

Lääbe un Wirke[ändere | Quälltäxt bearbeite]

Dr Theodor isch us ere griechischstämmige Familie chuu, sy glychnamige Vater isch Bischof vu Jerusalem gsii. As Papscht isch er bsundersch geg dr Monotheletismus yydrätte. Är het um 647 dr Pyrrhos empfange, wu 641 as Patriarch vu Konstantinopel gstirzt un verbannt woren isch. Wel dr Pyrrhos dr Monotheletismus verworfe het, het en dr Theodor as rächtmäßige Patriarch anerkännt. Wu dr Pyrrhos no syre Ruckchehr uf Konstantinopel si aber wider em Monotheletismus zuegwändet het, het er dr Bannfluech (Anathema) iber en verhänkt. Au mit em Noofolger vum Pyrrhos, em Paulos II., het er des eso gmacht.

Dr Theodor I. het dr Bischof Stephan vu Dor uf Paläschtina gschickt go d Händel in dr dertige Chilche z schlichte. Im Kampf geg dr Monotheletismus het er d Lateransynode vu 649 vorberaitet, wu die Lehr derno verdammt woren isch. Är isch aber gstorbe, churz voreb die Synod aagfange het.

In dr Papschtbiografie wird em Theodor sy Barmhärzigkait, Freigeebigkait un Mildi globt, un au, ass er nit noogee het im theologische Stryt mit Konstantinopel. Dr Theodor isch bi St. Peter vergrabe wore.

Literatur[ändere | Quälltäxt bearbeite]

  • Georg Kreuzer: Theodor I. In: Biographisch-Bibliographisches Kirchenlexikon (BBKL). Band 14, Herzberg 1998, ISBN 3-88309-073-5, Sp. 1544–1545.

Weblink[ändere | Quälltäxt bearbeite]

 Commons: Theodor I. – Sammlig vo Multimediadateie
VorgängerAmtNachfolger
Johannes IV.Papscht
642–649
Martin I.
Information icon.svg Dä Artikel basiert uff ere fräie Übersetzig vum Artikel „Theodor_I._(Papst)“ vu de dütsche Wikipedia.

E Liste vu de Autore un Versione isch do z finde.