Text:Volkslieder/Bin alben e wärti Tächter gsi

Ämmedaaler Hochsigsdanz

• Ursprung: us em Bärnbiet, Ämmedaal
• I dr Liedersamlig Im Röseligarte, Band 1, Numero 4.

Liedtext

Die Braut:
Bin alben e wärti Tächter gsi;
Bin usem Hus, cha nümme dri,
Eh! nümme dri mi Läbe lang.
Dr Ätti, ds Müeti, Brueder u Schwester u wän i ha,
Die muess ig alli jetz verlah,
Muess luege wie’s mer dusse gang,
O du mi trüli wärte Schatz,
Jez chumen-i, hesch mer Platz?

Der Bräutigam:
Bisch frili e wärti Tächter gsi;
Muest äbe so ne wärti si,
E wärti si dir Läbe lang.
Dr Ätti, ds Müeti, Brueder u Schwester u wän i ha,
Hätt’ längist di gärn bi ’ne gha;
Un i ha beitet scho gar lang,
O du mi trüli wärte Schatz,
Chunst ändlig? I ha der Platz.

Die Gäste:
Juheie! ihr Burs und Meitscheni,
Hüt soll e Tag der Freude si;
Der Freude si mit Spiel u Klang!
D Manne, d Wiber, Jungi un Alti u jederma
Soll lustig si und Freud dra ha,
Mit Ässe, Trinke, Tanz u Gsang!
Juhe! sit lustig sparet nüt,
Ihr trülige Hochzitlüt!