Text: Briäder Grimm „Chinder- un Huusmärli“ - Herr Korbes

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Briäder Grimm: Chinder- un Huusmärli (7. Uflag 1857)

Nr. 41 - Herr Korbes - Hèr Korbes (Ibersetzig in dr Dialäkt vum Untere Markgräflerland)

S sin emool e Bybeli ùn e Chligerli gsii, die hän zäme wele ne Rais mache. No hed s Chligerli e scheene Waage böue, wù vier Reeder ghaa hed, ùn hed vier Myysli dervoor gschbane. S Bybeli isch mid em Chligerli drùfghogd, ùn si sin midnand fùùrd gfaare. S hed nid lang bruuchd, no hän si ne Chaz drofe, die hed gsaid: „Wù wän er hii?“ S Chligerli hed Andword gee:

„Als uuse,
In s Korbese syym Huus.“

„Näme mi mid“, hed d Chaz gsaid. S Chligerli hed Andword gee: „Seli gäärn, hog di hinde drùf, as der voorne nid aabeghèisch.

Nämen ich wool in Aachd,
As er myyni roode Reederli nid drägig mache.
Iir Reederli schwaife,
Iir Myysli bfyfe,
Als uuse,
In s Korbese syym Huus.“

Derno isch e Miilischdai chùù, non e Ai, dernon e Änd, dernon e Gùùfe ùn zleschd non e Naainoodle, die sin au ali ùf dr Waage drùf chogd ùn sin mid gfaare. Wù si aber zem Huus vùm Hèèr Korbes chùù sin, isch dr Hèèr Korbes nid doo gsii. D Myysli hän dr Waage in d Schyyre gfaare, s Bybeli isch mid em Gygeli ùf e Schdange gflooge, d Chaz isch in s Chämi ghogd, d Änd in Waserschdai, sAi hed si in s Handdöech gwigled, Guufe hed sich in s Schdöechisi gschdegd, d Naainoodle isch ùf s Bed zmids in s Chobfchisi gùmbd, ùn dr miilischdai hed sich iiber d Diire glaid. No isch dr Hèèr Korbes haimchùù, isch an s Chämi gangen ùn hed wele aafyyre, no hed em d Chaz s Gsiichd vol Äsche ghèid. Är isch gschwind in d Chùchi ùn hed sich wele abwäsche, no hed em d Änd Waser in s Gsiichd gschbrizd. Är hed sich am Handdlöech wele abdrèchne, aber s Ai isch em änggegge grùùgled chùù, isch blazd ùn hed em d Auge zöebäbd. Är hed sich wele uusröeje ùn isch ùf dr Schdöel ghogd, no hed e d Guufe gschdùbfd. Är isch wiedig woore ù hed sich ùf s Bed ghèid; wùn er aber dr Chobf ùf s Chisi aabeglaid hed, hed en d Naainoodle gschdoche, as er ùfgschroue hed ùf ganz wiedig hed wel in di wyd Wäld uuse laufe. Wùn er aber an d Husdiire chùù isch, isch dr Miilischdai aabegùmbd ùn hed e dood gschlaa. Dr Hèèr Korbes möes e aarg beese Man gsii syy.