Teleregio
| Dialäkt: Baseldütsch |
TeleRegio isch dr Naame vom ene churze Versuech im Joor 1989 gsi, im Groossruum Baasel Lokalfärnsee z mache.
Gschicht
[ändere | Quälltäxt bearbeite]Bis 1989 het s in dr Schwiz nume en äinzige Färnseekanaal gee, dr staatlig Färnseesänder SRG. Wie bi de Radiosänder het s au bim Färnsee en Inträssi gee, lokali Informazioone und örtligi Wärbig an d Iiwooner witerzgee. Dorum het mä noch em Versuech vom Bärnsee vo 1988 au z Baasel e Lokalfärnseeversuech gmacht. Dr Verein Basler Regionalfernsehen het drfür e Konzessioon vom Bund bechoo und vom 9. bis zum 13. Merz under em Naame TeleRegio e Versuechsbrogramm gsändet. Das isch vom Schwizer Färnsee SRG zämme mit brivaate Partner us dr Wirtschaft gstaltet worde.
D Verbräitig
[ändere | Quälltäxt bearbeite]S Brogramm vom TeleRegio het s Gebiet vo de Kantöön Baasel-Stadt und Baasel-Landschaft, vom Schwarzbuebeland und vom Frickdaal bedroffe und isch über d Serviskanääl vo de Regionale Kabelnetz und terrestrisch über e Kanal 68 vom Färnseedurm St. Chrischona verbräitet worde.
Dr Brogrammraster
[ändere | Quälltäxt bearbeite]Wääred fümf Dääg isch jeede Daag vom sibni z Oobe aa e halbstündigs regionaals Noochrichdemagazin broduziert worde. Daas regionale Brogramm isch dur Sändige vo dr SRG ergänzt worde, wo sich uf d Region Baasel bezooge häi.
S Tiim
[ändere | Quälltäxt bearbeite]Moderazioon: Cathy Flaviano, Dominique Löliger, Daniel Herberich, Meinrad Stöcklin
Redakzioon: Klaus Kocher, Felix Erbacher, Urs Weber, Martin Matter, Rainer Borer, Esther Maria Jenny, Linda Stibler, Hanspeter Forster und Xaver Pfister
Brodukzioon: Roger Thiriet, Ruedi Gyhr, Armando Dotto, Christian Stricker
Erkenntnise
[ändere | Quälltäxt bearbeite]14 Brozänt vo dr Bevölkerig im Versorgigsgebiet häi mindestens äimol in dene fümf Dääg s Baasler Regionalfärnsee gluegt. In de Hushält mit Kabel-TV-Aaschluss sis sogar 28 Brozänt gsi, was as Erfolg aagluegt worde isch. Bsundrigs aachoo isch dr regional und informatiiv Charakter vom Regionalmagazin TeleRegio.
D Noochfolg
[ändere | Quälltäxt bearbeite]Vier Joor noch däm Versuech het im Juni 1993 dr Stadtkanal Baasel afo sände. Dä het mä 1997 in Telebasel umdauft. En andere Noochfolger vom TeleRegio isch dr lokaal Riinacher Färnseesänder Aumatt TV, wo spööter NordWest 5 und hüte NW1 häisst.
|
Dä Artikel basiert uff ere fräie Übersetzig vum Artikel „Teleregio“ vu de dütsche Wikipedia. E Liste vu de Autore un Versione isch do z finde. |