Telebasel

Us der alemannische Wikipedia, der freie Dialäkt-Enzyklopedy
Telebasel
Sänderlogo
Logo Telebasel
Allgemeini Informatione
Empfang: Kabel
Länder: Schwiz
Eigedümer: Stifdig Telebasel
Gschäftsfüehrer: Michael Bornhäusser
Intendant: Karin Müller
Ersti Sändig: 13. Juni 1993
Dialäkt: Baseldütsch

Telebasel isch e regionale Färnsehsänder in dr Region Basel. S Hauptstudio isch z Basel zerscht an dr Austroos gsi und syt Herbscht 2007 ab dr Schteineschanze. Syt 2004 gits es zuesätzlichs Regionalstudio z Lieschtel. "TeleBasel" wird jeede Daag vo öbbe 120'000 Persone aagluegt.

Programm[ändere | Quälltäxt bearbeite]

TeleBasel produziert jede Daag e gueti Schtund neus Programm uff Baseldytsch. Es git Noochrichtesändige am 12i, 5i zobe, äm sächsi und es 15 minütigs Nochrichtemagazin am 7vor7. Drzue kömme guet zwanzig vrschiideni Magazinsändige über die unterschiidlichste Theme, wie s Kulturmagazin "Behind the Scenes", d Tierlivrmittligs Sändig "Plätzli gsuecht", em Gsundheitsrootgäber "xund-tv" oder s Iisebahn-Magazin "Volldampf". Jugendlichi broduziere ihr aigens Färnsehmagazin "mash-tv" wo scho für e paar von ene e Sprungbrätt ins Mediegschäft gsi isch.

TeleBasel realisiert au e huffe Usseübertragige wie die vo de Basler Fasnacht, em Stadtlauf oder em Lieschtlemer Chienbäse. Sundersändige gits au regelmässig vor de Wahle und an de Abstimmigswuchenänd.

Sit em Novämber 2007 wird e grosse Teil vom Programm im Format 16:9 usgstrahlt.

Team[ändere | Quälltäxt bearbeite]

S Team beschtoht us öbe 70 Mitarbeiterinne und Mitarbeiter in de Berich Redaktion, Produktion und Marketing. Gschäftsfiehrer isch dr Michael Bornhäusser, Chefredaktorin isch d Karin Müller.

extärni Verbindige[ändere | Quälltäxt bearbeite]