Taxonomie

Us der alemannische Wikipedia, der freie Dialäkt-Enzyklopedy
Hops zue: Navigation, Suech

E Taxonomii (gr. τάξις táxis ,Ornig’ und νόμος nómos ,Gsetz’) oder e Klassifikazioonsschema isch en äihäitligs Verfaare oder Modäll, wo mit em Objekt noch bestimmte Kriterie klassifiziert wärde, das häisst in Kategorie oder Klasse (mä säit ene au Taxa) iigordnet wärde.[1] Naturwüsseschaftligi Diszipline verwände dr Begriff vo dr Taxonomii für e Klassifikazioon, wo im Allgemäine hierarchisch isch (Klasse, Underklasse usw.).

Bischbil: D Taxonomii in dr Biologii
Dütsch Latiinisch Bischbil
Riich Regnum Vilzälligi Dier
Abdäilig/Stamm Divisio/Phylum Chordadier
Understamm Subphylum Wirbeldier
Klass Classis Süüger
Ordnig Ordo Raubdier
Überfamilie Superfamilia Chatzenartigi
Familie Familia Chatze
Underfamilie Subfamilia Chläichatze
Gattig Genus Altwält-Wildchatze
Art Species Wildchatze
Underart Subspecies Öiropäischi Wildchatze

Taxonomie si für d Entwigglig von ere Wüsseschaft vo gröösserer Bedütig: Si mache s äifacher mit Äinzelfäll umzgoo und mache summarischi Ussaage mööglig, wo bis zun ere Erkläärig vo Zämmehäng cha goo. Si zwingen äim d Underschiid zwüsche de Kategorie genau z definiere und eso verstoot mä dr Undersuechigsberiich besser.

Anthropologischi Undersuechige zäige, ass d Taxonomie, wo in bestimmte Sprooch- und Kulturrüüm verwändet wärde, in örtligi, kulturelli und soziali Süsteem iibettet si und underschiidlige soziale Zwäck diene. Äini vo de bekanntiste und iiflussriichste Studie über Laie-Taxonomie (folk taxonomies) isch im Émile Durkheim si Les formes élémentaires de la vie religieuse (dt. Die elementari Form vom religiöse Lääbe.)

Litratuur[ändere | Quälltäxt bearbeite]

Weblingg[ändere | Quälltäxt bearbeite]

 Commons: Taxonomii – Sammlig vo Multimediadateie

Fuessnoote[ändere | Quälltäxt bearbeite]

  1. Taxonomie, In: Wolfgang J. Koschnik: Standardwörterbuch für die Sozialwissenschaften, Bd. 2, Münche London New York Paris 1993, ISBN 3-598-11080-4.
Information icon.svg Dä Artikel basiert uff ere fräie Übersetzig vum Artikel „Taxonomie“ vu de dütsche Wikipedia.

E Liste vu de Autore un Versione isch do z finde.