Synagoge Agudas Achim (Züri)

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
d Synagoge Agudas Achim

D Synagoge Agudas Achim isch e Synagoge z Züri.

Si stoot im Stdtteil Wiedike. Me het se 1959 bis 1960 bout für di jüdischi Gmeind Agudas Achim. Das isch e Gmeind vo dr orthodoxe Tradizioon vom Judetuum z Oschteuropa; si isch öppe ane 1920 vo den oschteuropäische Jude, wo uf Ussersyl sind cho woone, als dritti jüdischi Gmeind z Züri gründet worde und pflägt dr polnisch-chassydisch Ritus vo dr jüdische Religion. Vor em modärne Bou isch es elters Huus uf däm Platz gstande, wo d Gmeind scho en Bätruum drin gha het.

Dr hebräisch Uustruk Agudas Achim bedüütet uf schwiizerddüütsch «dr Bund vo de Brüeder».

Es het zwe Ygäng zum Gmeindzäntrum: dä für d Mannen isch a dr Erikastrass, und dä für d Fraue isch uf dr Weschtsyte; vo döt chunt men uf d Ämpoore, wo d Fraue bim Gebät sitze.

D Gmeind het im Quartier Albisriede dr jüdisch Fridhof Agudas Achim; er isch grad näbem Fridhof von ere andere jüdische Zürcher Gmeind, Or Chadasch.

Am 7. Juni 2001 isch dr Rabbiner Abraham Grünbaum us Israel, wo z Tel Aviv gläbt und e Talmudschuel gleitet het, won er zu dr Zürcher Synagoge ggangen isch, vrschosse worde;[1][2] wär s gmacht het, het d Polizei nie usegfunde. Wäge Wandalismus het me a dr Synagoge Glas agmacht, wo me nit cha dureschiesse.

Weblink[ändere | Quälltäxt bearbeite]

 Commons: Agudas Achim Synagogue (Zürich) – Sammlig vo Multimediadateie

Fuessnoote[ändere | Quälltäxt bearbeite]

  1. Mord auf offener Straße: Rabbiner in Zürich erschossen Artikel uf judentum.net vom 11. Juni 2001
  2. Ein von der Aussenwelt abgeschirmter Kosmos Artikel uf nzz.ch vom 7. Septämber 2001

Koordinaten: 47° 22′ 19″ N, 8° 31′ 15″ O; CH1903: 681742 / 247357