Sueton

Us der alemannische Wikipedia, der freie Dialäkt-Enzyklopedy

Gaius Suetonius Tranquillus (öbbe um 70 noch dr Ziitwändi uf d Wält cho; gstorbe 130–140), dütsch Sueton, isch ä römische Schriftsteller und vo 117 bis 121 Kanzleichef vom Kaiser Hadrian gsi. Er isch mit em Plinius em Jüngere befründet gsi und mä weiss vil überen us däm siine Brief.

Wärk[ändere | Quälltäxt bearbeite]

Vom Sueton siine Wärk si nume d Biografie vo de Kaiser, De Vita Caesarum, ganz erhalte bliibe. In dene beschriibt er wie d Cäsare gläbt hai, vom Cäsar bis zum Domitian und die gschichtlige Umständ, so wie si dr Tacitus beschriibe het. Siis Hauptwärk isch De viris illustribus (Vo de berüehmte Manne) gsi, in welem er bedütendi Manne us dr Literatur, dr Gschichtskund, dr Rhetorik, dr Sprochwüsseschaft und dr Philosophie behandlet het. Vo däm isch nume s Ändi übrigbliibe, mit de Biografie vom Terenz, Vergil, Horaz und ä baar andere. D Biografie vom Sueton si währed Johrhundert wägwiisend für die europäische Biografe gsi.

Deilwiis erhalteni Wärk[ändere | Quälltäxt bearbeite]

  • De Viris Illustribus ("Über berüehmti Manne"), drzue ghöre:
    • De Illustribus Grammaticis ("Über berüehmti Grammatiker"; 20 Biografie, wohrschiints komplett)
    • De Claris Rhetoribus ("Über glänzendi Rhetoriker"; 5 Biografie vo 16)
    • De Poetis ("Über Dichter"; Biografii vom Virgilius, und Fragmänt vo de Biografie vom Terentius, Horatius und Lucanus)
    • De historicis ("Über Historiker"; e churzi Biografii vom Plinius em Eltere)
  • Peri ton par' Hellesi paidion ("Griechischi Spiil")
  • Peri blasphemion ("Griechischi Schimpfwörter")

Literatur[ändere | Quälltäxt bearbeite]

  • Barry Baldwin: Suetonius. The biographer of Caesars. Hakkert, Amsterdam 1983, ISBN 90-256-0846-9.
  • Michael Grant: Sueton. In: Ders., Klassiker der antiken Geschichtsschreibung. Beck, München 1973, S.276-287, ISBN 3-406-02647-8.
  • Helmut Gugel: Studien zur biographischen Technik Suetons. Wien 1977, ISBN 3-205-07025-9.
  • Andrew Wallace-Hadrill: Suetonius. 2. ed. Bristol Classical Press, London 1995, ISBN 1-85399-451-0.

Quelle[ändere | Quälltäxt bearbeite]

  • dtv-Lexikon, Deutscher Taschenbuch Verlag, München 1970 Band 18, S.61

Weblink[ändere | Quälltäxt bearbeite]