Strofreacht

Us der alemannische Wikipedia, der freie Dialäkt-Enzyklopedy
Dialäkt: Vorarlbärgisch

S Strofreacht (ou Kriminalreacht gnennt) isch der Toal vum Reachtssyschtem vo da meischta Staata, der Handlunga untr Adrohung vo nar Strof odr bstimmta andra Reachtsfolga verbütat. In dr Regl isch s Ziel vom Strofreacht dr Schutz vo bstimmta bsundrigs gschützta Reachtsgüatr, wia eappa dm Leaba, dr Freiheit odr dm Eigetum. Welche Reachtsgüatr gnau untr Schutz gstellt wörran hängt all vo dr jeweiliga Gsellschaft ab, genauso wia d adrohta Strofa. D Strofa künnan vo nar einfacha Gealdstrof übr Freiheitsstrofa bis ane zu Körprstrofa und dr Todesstrof langa.

In fascht allna Ländr uf dr Wealt isch s Strofreacht primär in nam Strofgsetzbuach greglat, des oft no vo verschiedna strofreachtlicha Neabagsetzr ergänzt würd. Manche muslimische Ländr wändn als Strofreacht d Scharia a, dia noch Ansicht vo mancha islamischa Reachtsglehrta direkt usm Koran abgleitet wörra ka.

Zur Verfolgung vo strofbara Handlunga siand in da meista Ländr spezielle Irichtunga vorgseaha, meischtens Schtaasanwaltschafta und d Polizey. Usgführt würd s Strofreacht vu da Grichtr und allgemeinr vum Justizapparat. Des isch ou uanna vo da primära Gründ fürd Exischtenz vum Strofreacht – d Verhindrung vu eigemächtiga Lynchjustiz durch d Bürgr seal.