Stephan VI.

Us der alemannische Wikipedia, der freie Dialäkt-Enzyklopedy

Dr Stephan VI. (VII.) († 897) isch Papscht vu Mai 896 bis Juli oder Augschte 897 gsii, dervor au Bischof vu Anagni, wun ere vu syym Vorgänger Formosus derzue ernännt wore isch. Dää het dr Stephan au zum Kardinal ernännt.

D Umständ vu syre Papschtwahl sin nit klar, är isch aber unterstitzt wore vu aire vu dr mächtige remische Familie, em Huus Spoleto, wu um die Zyt mit andere Familien um dr Yyfluss uf s Papschttum gstritte ghaa het.

Dr Stephan isch vor allem bekannt dur dr Prozäss gege dr Formosus, wu as Lyychesynod bekannt woren isch un wu uf Druck vum Huus Spoleto zstand chuu isch. Bi däm Prozäss anne 897 isch em Formosus sy Lyych, wu schu syter nyyn Monet begrabe gsii isch, exhumiert, vor Gricht gstellt un wäge Mainaid un Usurpation verurdailt wore. Dodruf isch d Lyyche in dr Tiber gheit wore. Ehmoligi Aahnänger vum Formosus hän sy Lyych aber wider us em Fluss gfischt un hän e häälige begrabe. Erscht speter isch d Lyych wider in sy Grab z St. Peter zruckbrocht wore..

Dr Prozäss het en Ufstand uusglest, wu – drotz ass d Aastifter Lambert vu Spoleto un sy Mueter Ageltruda ihri Herrschaft iber Rom aafangs 897 widerhärgstellt ghaa hän – dodermit ufghert het, ass dr Stephan VI. yygspeert um im Summer 898 ufghänkt wore, isch.

Literatur[ändere | Quälltäxt bearbeite]

  • Vito Loré: Stefano VI. In: Massimo Bray (Hrsg.): Enciclopedia dei Papi. Band 2: Niccolò I, santo, Sisto IV. Istituto della Enciclopedia Italiana, Rom 2000, S. 48–50 (treccani.it)..
  • Georg Schwaiger: Stephan VI. In: Lexikon des Mittelalters (LexMA). Band 8, LexMA-Verlag, Münche 1997, ISBN 3-89659-908-9, Sp. 118.

Weblink[ändere | Quälltäxt bearbeite]

  •  Commons: Stephan VI. – Sammlig vo Multimediadateie
  • Stephan VI., In: Salvador Miranda: The Cardinals of the Holy Roman Church, online uf fiu.edu, Websyte vu dr Florida International University, abgruefen am 26. November 2011. (änglisch)
Dä Artikel basiert uff ere fräie Übersetzig vu dere Version vum Artikel „Stephan_VI.“ vu de dütsche Wikipedia. E Liste vu de Autore un Versione isch do z finde.