Stephan IV.

Dä Artikel bschrybt dr Papscht 816–817. Fir dr noch ere alternative Zellig Stephan IV. gnännte Papscht 768–772 lueg Stephan III. (Papst).

Darstellig in dr Schedelsche Wältchronik vu 1493 (Mitti)

Dr Stephan IV. (V.) († 24. Jänner 817 z Rom) isch am 22. Juni 816 as Noofolger vum Leo III. zum Papscht gwehlt wore.

Lääbe un Wiirke

Em Stephan sy churz Pontifikat isch seli wichtig gsii, wel s zuen ere Aanecherig vum Papschtdum an s sterker wore fränkisch Chenigsgschlächt gfiert het. Dur ihn isch mit em Ludwig em Fromme zum erschte Mol en fränkische Chenig zum Chaiser gsalbt un mit ere vermaintlige Konstantinschrone gchrent wore, dodermit isch s fränkisch Chaiseruum au in di antik weschtremisch Dradition gstellt wore. Dr Stephan het bim Chaiser Ludwig d Garanti vu freie Papschtwahle chenne duresetze. Die isch aber erscht no sym Dod bi dr Wahl vu sym Noofolger Paschalis I. gwährt wore. Mit däm Verzicht uf ständigi Yymischig z Rom het si dr Ludwig geg d Yyflussnahm vum Papscht uf d Entschaidige iber d Zuechumft vu Dynaschti un Chaiserdum welle absichere.

Zellig

In ere alternative Zellig wird dr Prieschter Stephan (II.) as Papscht anerkännt, wu zum Papscht gwehlt, aber no vor syre Bischofswei gstorben isch. In Folg wären alli andere Päpscht mit däm Name mit ere hechere Nummere zellt, dr Stephan IV. also as Stephan V.. In dr Fachliteratur brucht mer vlmol d Schrybwys Stephan IV. (V.) go Missverständniss vermyde.

Literatur

• Paolo Delogu: Stefano IV. In: Massimo Bray (Hrsg.): Enciclopedia dei Papi. Band 1: Pietro, santo. Anastasio bibliotecario, antipapa. Istituto della Enciclopedia Italiana, Rom 2000, S. 704–705 (treccani.it)..
• Georg Schwaiger: Stephan IV. In: Lexikon des Mittelalters (LexMA). Band 8, LexMA-Verlag, Münche 1997, ISBN 3-89659-908-9, Sp. 117.

Weblink

 Commons: Stephan IV. – Sammlig vo Multimediadateie

• Stephan IV., In: Salvador Miranda: The Cardinals of the Holy Roman Church, online uf fiu.edu, Websyte vu dr Florida International University, abgruefen am 20. November 2011. (änglisch)

Vorgänger	Amt	Nachfolger
Leo III.	Papscht 816–817	Paschalis I.

Dä Artikel basiert uff ere fräie Übersetzig vu dere Version vum Artikel „Stephan_IV._(Papst)“ vu de dütsche Wikipedia. E Liste vu de Autore un Versione isch do z finde.