Zum Inhalt springen

Sophia Ahrens

Us der alemannische Wikipedia, der freie Dialäkt-Enzyklopedy

D Sophia Ahrens (* 4. Januar 1996 z Hamburg) isch e dytsch-änglisch Model.

Lääbe

[ändere | Quälltäxt bearbeite]

D Ahrens isch z Hamburg uf d Wält chuu. Wu si zwai Johr alt gsii isch, sin ihri Eltere mit ere uf London gange, wu si derno ufgwachsen isch. Z London isch si uf e Waldorf-Schuel gange. Wu si sächzehni gsii isch, sin d Eltere schließli ins Markgreflerland uf Ballrächte-Dottige zoge. D Sophia Ahrens het derno am Faust-Gimnasium z Staufe Abitur gmacht.

Scho mit zwelf Johr isch si z London vun ere Agänti vu Union Models uf dr Stroß entdeckt un gfrogt wore, eb si wett e Model gee. Si het zerscht d Schuel fertig gmacht, isch aber mit däre Model-Agänti in Kontakt blibe.

No dr Schuel het si bi dr Londoner Model-Agäntur Hive e Verdrag unterschribe. Mit dr Prada-Spotjohr-Kampagne 2013 het si dr Durbruch as Model ghaa. Dr Modedesigner Marc Jacobs het si 2014 zum Gsicht vu sym Parfüm „Daisy“ gmacht, 2015 isch si bi dr Fashion Week z New York uf em Laufstäg gsii. Syterhär het si e Hufe Engaschmänt z Dytschland, z Frankrych, z Ängland, in dr USA un andere Länder ghaa.

[ändere | Quälltäxt bearbeite]
Vun "https://als.wikipedia.org/w/index.php?title=Sophia_Ahrens&oldid=1052341"