Dr Soon vo Gott

Us der alemannische Wikipedia, der freie Dialäkt-Enzyklopedy
Alexander, „Soon vom Gottvater Zeus“, e Detäi vom „Alexandersarkofag“

Dr Usdruck Soon vo Gott oder Gottessoon isch en Eereditel in e baar Religione.

Im Juudedum bezäichnet er s Volk Israel, d Köönig vo Israel und äinzelni grächti Israelite. Im Christedum wird dr Jesus vo Nazaret as dr äinzig Soon vo Gott verkündigt, won e Mensch worde isch. Er sig scho vor dr Erschaffig vo dr Wält gsi (Joh 17,5 EU, 17,24 EU), Gott häig en vo dr Ewikäit här gschiggt, zum alli Mensche erlööse, und er sig sälber Gott. S Glaubensbekenntnis zu Jesus Christus as dr Soon vo Gott, wo Mensch worde isch, isch uf de christologische Konziil vo dr früeje Chille zum e Däil vom Kärn vom christlige Glaube bestimmt worde.

In dr Gottkönigsideologii vo de altorientalische Groossriich si Herrscher sit öbbe 2000 v. d. Z. vilmol as Gottessoon bezäichnet worde. Im Alte Egüpte het mä de Farao as Soon vom Gott Amun aagluegt. Im Hellenismus isch dr Alexander dr Grooss as „Soon vom Zeus“ vereert worde. D Seleukide häi dä Ditel übernoo.

Noch em Dood und dr Apotheose vom Julius Caesar zum Divus Julius het sich dr Augustus vo 42 v. d. Z. aa as „Soon vo Gott“ (Divi filius) bezäichnet. Das het dr römisch Kaiserkult begründet, wo vo de römische Kaiser noch em witergfüert worde isch.

Litratuur[ändere | Quälltäxt bearbeite]

  • Verschidnigi Biidrääg zum Begriff „Soon vo Gott“ in AT, NT, Doxologie usf., in: Concilium 18 (1982).
  • Martin Hengel: Studien zur Christologie, Kleine Schriften Bd. 4, uusegee vom Claus-Jürgen Thornton, WUNT 201, Tübinge 2006, insb. Beitrag 4: Der Sohn Gottes, S. 74–145.
  • Klaus Koch: Der König als Sohn Gottes in Ägypten und Israel. In: Eckart Otto, Erich Zenger (Hgg.): „Mein Sohn bist du“ (Ps 2,7), Studien zu den Königspsalmen, Verlag Katholisches Bibelwerk, Stuttgart 2002, S. 1–32.
  • Peter Müller: Sohn und Sohn Gottes – Übergänge zwischen Metapher und Titel – Verbindungslinien zwischen Metaphorik und Titelchristologie am Beispiel des Sohnestitels. In: Jörg Frey (Hg.): Metaphorik und Christologie. Theologische Bibliothek Töpelmann 120, De Gruyter, Berlin u. a. 2003, S. 75–92.
  • Ulrich B. Müller: „Sohn Gottes“ – ein messianischer Hoheitstitel Jesu. In: Zeitschrift für die neutestamentliche Wissenschaft und die Kunde der älteren Kirche 87 (1996), S. 1–32.
Dä Artikel basiert uff ere fräie Übersetzig vum Artikel „Sohn_Gottes“ vu de dütsche Wikipedia. E Liste vu de Autore un Versione isch do z finde.