Skandagupta

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Skandagupta
Kaiser vo Gupta
Regierigsziit 455–467 n. d. Z.
Gstorbe 467
Vorgänger Kumara Gupta I.
Nochfolger Purugupta
Kgl. Huus Gupta Dünastie
Religion Hinduismus

Dr Skandagupta (Sanskrit स्कन्दगुप्त) (gstorbe 467) isch vo 455 bis 467 n. d. Z. Kaiser vom Riich vo de Gupta im nördlige Indie gsi. Er gältet as dr letscht vo de groosse Gupta-Kaiser.

D Häärkumft[ändere | Quälltäxt bearbeite]

Im Skandagupta si Abstammig isch umbekannt. Spööteri offizielli Genealogie erwääne si Naame nid, und sogar dr Naame vo sinere Mueter chunnt in de Inschrifte nid vor. Es git sonigi wo aanäme, ass er dr Soon von ere mindere Frau gsi isch.[1] Es isch au mööglig ass er e General gsi isch, wo äifach dr Familienaame übernoo het.

Uf jeede Fall het dr Skandagupta am Ändi vo dr Regierigszit vom Kumaragupta I. s Riich vor eme groosse Ufstand vom Stamm vo de Pushyamitras grettet, won er die in Zentralindie am Narmada-Fluss gschlaage het. Die Wisse Hunne hingeege si us Middelasie im Nordweste iigfalle. En Inschrift verzellt, ass dr Kumaragupta I. in dr Schlacht gege d Hunne gfalle sig und ass dr Skandagupta d Inder zum Siig gfüert het (455). Er het denn dr Chronbrinz Purugupta verdrängt und sich sälber zum Kaiser erhoobe.

D Heerschaft[ändere | Quälltäxt bearbeite]

D Felseinschrifte z Junagadh si vom Ashoka (vierzää vo sine Edikt), vom Rudradaman I und vom Skandagupta.

Dr Skandagupta isch vor groosse Brobleem gstande. Er het die Wisse Hunne chönne in Schach halte, aber das isch düür choo und s Land isch verarmt. E Däil vo de Usgoobe het er mit minderwärtige Münze zaalt.[2] Dr Skandagupta isch 467 gstorbe und dr Purugupta (467–473) isch uf e Droon choo.

Im Skandagupta si Naame chunnt im javanesische Teggst `Tantrikamandaka' vor, und dr chinesisch Schriftsteller Wang-hiuen-tse schribt wie dr Köönig Meghvarma vo Sri Lanka e Botschafter zum Kaiser gschiggt het und drum bittet het, iim z erlaube, z Bodhgaya e buddhistischs Chloster z baue für d Mönch us Sri Lanka.

Fuessnoote[ändere | Quälltäxt bearbeite]

  1. Majumdar, RC (1954), Chapter III: The expansion and consolidation of the Empire, in RC Maumdar, AD Pusalker & AK Majumdar (eds.) The History and Culture of the Indian People: [vol. 3] The Classical Age. Bharatiya Vidya Bhavan (1962), pp. 17-28.
  2. Majumdar, RC (1954), Chapter III: The expansion and consolidation of the Empire, in RC Maumdar, AD Pusalker & AK Majumdar (eds.) The History and Culture of the Indian People: [vol. 3] The Classical Age. Bharatiya Vidya Bhavan (1962), pp. 17-28.

Referänze[ändere | Quälltäxt bearbeite]

  • Agarwal, Ashvini (1989). Rise and Fall of the Imperial Guptas, Delhi:Motilal Banarsidass, ISBN 81-208-0592-5, pp. 210–8.

Bibliografii[ändere | Quälltäxt bearbeite]

  • Singh, Jai Prakash (1976) History and Coinage of Skandagupta Kramāditya, Varanasi:Department of Ancient Indian History, Culture & Archaeology, Banaras Hindu University.

Weblingg[ändere | Quälltäxt bearbeite]

Information icon.svg Dä Artikel basiert uff ere fräie Übersetzig vum Artikel „Skandagupta“ vu de änglische Wikipedia.

E Liste vu de Autore un Versione isch do z finde.