Aschoka

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Asoka dr Gross
Kaiser vo dr Maurya-Dynastii
Indian relief from Amaravati, Guntur. Preserved in Guimet Museum.jpg
E Chakravatin Herrscher us em 1. Joorhundert vor dr Zitwändi
Regierigsziit273-232 vor dr Ziitwändi
NameAsoka Maurya
TitelDevanampriya Priyadarsi, Dhamma
Uf d Wält cho304 vor dr Ziitwändi
GeburtsortPataliputra (hüte Patna)
Gstorbe232 vor dr Ziitwändi
DodesortPataliputra
BegrabeD Äsche isch im Ganges verstreut worde, mögligerwiis bi Varanasi
VorgängerBindusara
NochfolgerDasharatha
Verhürotet mitMaharani Devi
EhefraueRani Tishyaraksha
Rani Padmavati
Rani Kaurwaki
NochkommeMahinda
Kgl. HuusMaurya Dynastii
VaterBindusara
MueterRani Dharma

Aschoka (skt. अशोक, Aśoka Priyadarosi; Pali: Asoka Piyadassi; agr. Πιοδάσσης, Piodássēs) isch e König us de altindische Dynastii vo de Maurya gsii. Er het öppe vo 270–235 v. Chr. über de gröscht Tail vom hütige Indie regiert und gelt als aine vode wichtigste Herrscher vom alte Indie und und het entschaidend zu de Verbraitig vom Buddhismus bitrait.

Nochdem er vo sim Vatter Bindusara d Herrschaft öbernoo het, het er mit allne Mittel sis Riich uusgwiitet. Doch nochde bluetige Unterwerfig vo Kalinga im hütige Orissa isch er ine Krise ghait, well er gsee het, ass de Chrieg sovill Elend und Schmerze brocht het. Druf abe het er sich em Buddhismus zugwendet und het uf witeri Chriegszüüg verzichtet und de Friede und soziali Wohlfahrt i sim Rich gfördertet. Er het nöd nu Champf und Chrieg verbote, sondern au bluetigi Tieropfer und isch dezue för vegetarischi Ernährig iitrete. D Tate und Denkwiis vom Aschoka sind i vilne Felsinschrifte überlieferet, won über halb Indie vertailt sind.

De Aschoka het mit de benochburte Herrscher fridlichi Bezüchige ufbaut und buddhistischi Missionare i ali Welt gschickt, so is Perserriich vode Seleukide und uf Ägypte und Makedonie. D Insle Sri Lanka isch unter sinere Herrschaft buddhistisch worde. Im Joor 253 v. Chr. oder 250 v. Chr. het er e buddhistisches Konzil iberuefe.

Film[ändere | Quälltäxt bearbeite]

De Bollywoodfilm Asoka – Der Weg des Kriegers (2001; mit Shah Rukh Khan und Kareena Kapoor) isch as Lebe vom Aschoka agleent.

Literatur[ändere | Quälltäxt bearbeite]

  • Hermann Kulke und Dietmar Rothermund: Geschichte Indiens, Kohlhammer Verlag, Stuttgart 1982.
  • John S. Strong: The Legend of King Asoka. A Study and Translation of the Asokavadana. 1948.
  • Harry Falk: Asokan Sites and Artefacts - A Source-book with Bibliography. Verlag Philipp von Zabern, Mainz 2006, ISBN 978-3-8053-3712-0
  • Romila Thapar: Penguin History of Early India: From the Origins to AD 1300. London u. a. 2003.
  • Romila Thapar: Asoka and the Decline of the Mauryas. Oxford 1998.

Weblink[ändere | Quälltäxt bearbeite]

 Commons: Ashoka – Sammlig vo Multimediadateie