Sirimavo Bandaranaike

Us der alemannische Wikipedia, der freie Dialäkt-Enzyklopedy
d Sirimavo Bandaranaike

D Sirimavo Ratwatte Dias Bandaranaike (* 17. April 1916 z Balangoda; † 10. Oktober 2000 bi Colombo) isch e singhalesischi Bolitikeri gsii. Si isch di erscht frei gwehlt Regierigsschefi vu dr Wält gsii

D Bandaranaike isch drei Mol Premierminischteri vu Ceylon bzw. Sri Lanka gsii, in dr Johr 1960–1965, 1970–1977 un 1994–2000. Si isch Vorsitzeri vu dr Sri Lanka Freedom Party sii. Ihre Mann isch dr friejer Premierminischter S. W. R. D. Bandaranaike gsii. Ihri Dochter Chandrika Kumaratunga isch vu 1994 bis 2005 Bresidänti vum Land gsii.

Bolitik[ändere | Quälltäxt bearbeite]

Wu ihre Mann im Septämber 1959 dur e bolitisch radikale buddhistische Mench umbrocht wore isch, isch s Land bolitisch inschtabil wore. Unter em Interimspremier Dahanayake isch d Regierigskoalition ussenandergheit, un fir dr Merz 1960 sin Neiwahle uusgruefe wore. D SLFP, wu vu ihrem Mann grindet un 1956 zum Wahlsiig gfiertworen isch, het d Sirimavo Bandaranaike um Ufdritt im Wahlkampf bäte. Di SLFP isch bi dr Wahle zwootsterkschti Bartei hinter dr UNP (United National Party) wore, wu ne Minderhaitsregierig unter em Senanayake bildet het. Wel die aber ohni Unterstitzig im Barlemänt bliben isch, het s im Juli nomol Neiwahle gee.

Us däne Wahle am 20. Juli 1960 isch d SLFP mit dr Sirimavo Bandaranaike as Spitzekandidati as klari Siigeri fiirigange un si het dodermit as wältwyt erschti Frau s Amt vum Premierminischter ibernuu. D Sirimavo Bandaranaike, wu dr Vorsitz vu ihre Bartei bis zue ihrem Dod anne 200 bhalte het, het di sozialistisch Bolitik vu ihrem Mann wytergfiert un het Unternäme in wirtschaftlige Schlisselsektore wie em Banke- un Versicherigsberaich verstaatligt. Wäg dr inschtabile ekonomischen un bolitische Lag vum Land het si no im nämlige Johr dr Notstand uusgruefe. Wel si Änglisch as Amtssproch abschafft het un generäll dur Sinhalesisch, d Sproch vum singhalesische Mee vu dr Bevelkerig, isch zue re Kampagne vum zivile Uughorsam dur Aagherigi vu dr tamilische Minderhait chuu. Vyl Tamile hän d Sprochgsetz as Diskiminierig aagluegt un as Versuech, si vum Zuegang zum Staatsdienscht un zue dr Grichte un Ämter uuszschließe. Dää singhalesisch Chauvinismus isch aini vu dr Ursache fir dr speter Zämmeschluss vu mehrere tamilische Barteie zue dr Tamil United Liberation Front (TULF) gsii, wu ne aigene tamilische Staat (Tamil Eelam) im Norde un Oschte vu dr Insle gfprderet he.

Anderi Brobläm het d Regierig vu dr Bandaranaika iberchuu, wu si uusländischi Unternäme verstattligt het. Vor allem d USA un Großbritanniehän scharf reagiert un e Embargo iber uusländischi Hilfe fir s Land verhänkt, wu dodmol no Ceylon gnännt woren isch.. Derno het si d Bolitik vum Land necher an China un d Sowjetunion gfiert, Ceylon isch aber ainewäg blockfrei blibe.

Anne 1963 het si ne Butsch chenne abwehre, het aber 1964 e Verdröuesabstimmig un au d Wahl druf verlore. Scho bi dr negschte Wahle 1970 het si mit großem Vorsprung wider s Mee gwunne un isch wider as Premierminischteri veraidigt wore.

Anne 1963 het si ne Butsch chenne abwehre, het aber 1964 e Verdröuesabstimmig un au d Wahl druf verlore. Scho bi dr negschte Wahle 1970 het si mit großem Vorsprung wider s Mee gwunne un isch wider as Premierminischteri veraidigt wore.

In ihre zwoote Amtsperiod isch e neii Verfassig bschlosse wore, wu unter anderem dr Name vum Land vu Ceylon uf Sri Lanka dermit gänderet woren isch. D Verbindige zue dr friejere Kolonialmacht Großbritannie sin fascht ganz ufglest wore. Scho 16 Monet no dr Wahl wär ihri Regierig fascht dur e Ufstand vu linksgrichtete Gruppe gstirzt wore. Di chlai, vor allem fir zeremoniälli Zwäck uusgrischter Armee vum Land isch nit in dr Lag gsii, d Situation z beruehige. D Bandaranaike het d Regierig vu andere blockfreie Staaten um Hilf bäte. Indien un Pakistan hän Druppe uf Colombo gschickt, wu dr Ufstand hän chenne niderschlaa.

D Eelkriis 1973 het d Wirtschaft vu Sri Lanka schwär droffe. Weschtligi Hilf isch wäg em Embargo nit chuu un d Wirtschaftsbolitik vu dr Regierig het nit gwirkt. D Bandaranaike sälber isch all weniger tolerant gegeniber Kritik gsii un het schließli unabhängigi Medie zuemache loo, wu zue ihre schwrfschte Kritiker ghert än. Scho friejer het si di grescht Zytig vum Lamd („Lake House“) verstaatligt, wu ab do as Sprochrohr vu dr Regierig dient het.

Anne 1976 isch d Bandaranaike zur Vorsitzeri vu dr Bewegig vu dr blockfreie Staate gwehlt wore. Derwylscht si international anerkännt un reschpektiert woren isch, het si in ihre Haimet all mee dr Rugghalt verlore, vor allem syt ere Korruption vorgworfe wore isch un syter ass es mit dr Wirtschaft all mee aabe gange isch. D Wahle 1977 het d Sirimavo Bandaranaike mit großem Abstand wore. 1980 isch ere wäge Amtsmissbruuch fir sibe Johr s Rächt, e effetli Amt uusziebe, aberkännt wore.

In dr 14 Johr druf isch si in dr Opposition blibe, un het alli Versuech abgwehrt, si vu dr Barteispitz z verdränge, drotz ass ihri Bartei kai Wahle me gwunne het. Ihre Dochter, dr Chandrika Kumaratunga, isch s schließlig anne 1994 glunge, d Mueter z iberfligle, wu si zur Bresidänti vu Sri Lanka gwehlt woren isch. D Sirimavo Bandaranaike het do ihri dritt Amtszyt as Premierminischteri aadrätte. Si isch in däm Amt blibe bis zue ihrem Dod anne 2000.

Weblink[ändere | Quälltäxt bearbeite]

Dä Artikel basiert uff ere fräie Übersetzig vum Artikel „Sirimavo_Bandaranaike“ vu de dütsche Wikipedia. E Liste vu de Autore un Versione isch do z finde.