Simon Schenk

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
dr Simon Schenk (2007)

Dr Simon Schenk (* 16. Mai 1946 z Langnou im Ämmitau, Kanton Bärn; † 1. Mai 2020 in Bärn[1]) isch en Schwyzer Bolitiker (SVP) un Yyshockeyspiiler un -trainer gsii.

Lääbe[ändere | Quälltäxt bearbeite]

As Yyshockeyspiiler het er fir dr SC Langnou gspiilt, dr hitige SCL Tigers, un isch mit ene 1976 Schwyzer Maischter woore. Gschafft het er z Chonufinge as Dorfschuelleerer.

Vum 28. Novämber 1994 (Wintersession) bis am 4. Dezämber 2011 isch dr Schenk as Verdrätter vum Kanton Bärn Mitgliid vum Nazionaalroot gsii. Bi dr Waal isch er uuspringli dr viert Ersatzmann gsii. Deert isch er Mitgliid vu dr Kummissioon fir Wisseschaft, Bildig un Kultuur (WBK) un dr Kummissioon fir Vercheer un Fäärnmäldwääse (KVF) gsii.

Dr Schenk het vu 1985 bis 1990 un vu 1995 bis 1997 d Schwyzer Yyshockeynazionaalmannschaft trainiert.[2] Vu 1998 bis 2017 isch er derzue Spoortschef un zytwys au Gschäftsfierer vu dr GCK Lions gsii.[3] Derno het er as Berooter bi dr SCL Tigers gschafft un as Expeert bi MySports kummentiert.

Dr Simon Schenk het si anne 2017 ere Häärzoprerazioon mieße unterzie, wun er si guet dervu erhoolt ghaa het. Im Friejoor 2020 isch er wider am Häärz operiert woore. Doderby sin Kumplikazioone ufdrätte, wun er draa gstoorben isch.[4]

Är isch ghyroote gsii un het drei Chinder ghaa. Langi Joor het er z Truebschache gläbt, di letschte Joor z Münsige

Weblink[ändere | Quälltäxt bearbeite]

Fueßnote[ändere | Quälltäxt bearbeite]

  1. Simon Graf: Mit feinem Gespür und hartem Grind. In: Tages-Anzeiger, 2. Mai 2020.
  2. Fischer neuer Nati-Trainer. 2. Dezember 2015, abgruefen am 12. Februar 2017.
  3. Rücktritt von Simon Schenk per Ende Saison | ZSC Lions. Abgruefen am 12. Februar 2017.
  4. Schock fürs Schweizer Eishockey. Tagesanzeiger, abgruefen am 1. Mai 2020.