Shia LaBeouf

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Dr LaBeouf (15. September 2015)

Dr Shia Saide LaBeouf (/ˈʃaɪ.ə ləˈbʌf/; * 11. Juni 1986 z Los Angeles, Kalifornien) isch en US-amerikanische Schauspiiler un Komiker.

Karriere[ändere | Quälltäxt bearbeite]

Dr LeBoeuf isch scho as Chind in Film ufdrätte. Er isch mit dr Hauptrolle in dr Disney-Channel-Chinderserii Even Stevens (2000–2003) bekannt worde, udn het drfür 2003 e Daytime Emmy Award übervchoo. 2003 het er im Akschenfilm 3 Engel für Charlie – Volle Power näbe dr Cameron Diaz, dr Drew Barrymore und dr Lucy Liu d Rolle vom Max Petroni gspiilt. Sini erste gröössere Hauptrolle het er 2007 in Disturbia und im Akschenfilm Transformers gspiilt, und het für die meereri Uszäichnige überchoo. Dr Steven Spielberg, wo dr LaBeouf für die bäide Film empfoole het, het em denn e Rolle im vierte Däil vo dr Indiana-Jones-Räije, Indiana Jones und das Königreich des Kristallschädels, gee. 2010 isch er näben em Michael Douglas in Wall Street: Geld schläft nicht ufdräte.

2012 het dr LaBeouf sich afo Independentfilm widme, und het Hauptrolle im John Hillcoat sim Film Lawless – Die Gesetzlosen, im Muusigwideo Fjögur Píanó vom Sigur Rós und in The Company You Keep – Die Akte Grant vom Robert Redford gspiilt. 2015 het men en im Muusigwideo Elastic Heart vo dr Sia ch;nne gsee, wien er mit dr Maddie Ziegler danzt het.

Dr Naame[ändere | Quälltäxt bearbeite]

Dr Vorname Shia chunnt us em Hebräische und bedütet Gschänk vo Gott.[1] Saide isch dr Familienaame vo dr Mueter und dr Familienaame LaBoeuf het er vo sim Vater, won e Cajun isch.

Weblingg[ändere | Quälltäxt bearbeite]

 Commons: Shia LaBeouf – Sammlig vo Multimediadateie

Fuessnoote[ändere | Quälltäxt bearbeite]

  1. Shia LaBeouf Vitals Archivlink (Memento vom 17. März 2015 im Internet Archive), fikklefame.com, 16. April 2010, abgrüeft am 21. Juli 2013
Information icon.svg Dä Artikel basiert uff ere fräie Übersetzig vum Artikel „Shia_LaBeouf“ vu de dütsche Wikipedia.

E Liste vu de Autore un Versione isch do z finde.