Cameron Diaz

Us der alemannische Wikipedia, der freie Dialäkt-Enzyklopedy
Hops zue: Navigation, Suech
d Cameron Diaz z Bordeaux, 2010

D Cameron Michelle Diaz (* 30. Augschte 1972 z San Diego, Kalifornien) isch e US-amerikanischi Schauspiileri, Synchronsprächeri un en ehmolig Model.

Lääben un Karriere[ändere | Quälltäxt bearbeite]

D Eltere vum Vater vu dr Diaz, em Emilio Diaz, sin vu Kuba gstammt. Är het bim kalifornische Elkonzärn UNOCAL as Vorarbaiter gschafft, ihri Mueter Billie Early het as Verdrätteri im Import/Export gschafft un het dytschi, änglischi un indianischi Vorfahre[1]. D Diaz het e elteri Schwschter, d Chimene Diaz. D Cameron isch im kalifornische Long Beach ufgwachse un zerscht uf d Los Cerritos Elementary School un derno uf Long Beach Polytechnic High School gange. Mit 16 Johr het si ihre Elterehuus verloo un in dr fimf Johr derno as Modell in verschidene Länder gschafft, dodrunter Japan, Auschtralie, Mexiko, Marokko un Frankrych. Im Alter vu 21 Johr isch si uf Kalifornie retuur chuu, het wyter as Modell gschafft un fir e Roll im Film The Mask (1994) vorgsproche. Drotz ass si kai schauspiilerischi Erfahrig ghaa het, isch si Hauptdarstelleri in däm Film wore, wu si as wyblige Gegepart vum Jim Carrey d Roll vum stereotype „nätte blonde Maidli“ gspiilt het. Dr Kinoerfolg het er wyteri Rolle yybrocht in Film wie Minnesota oder My Best Friend’s Wedding.

Dr große Durbruch isch dr Diaz 1998 mit dr Kumdei There’s Something About Mary glunge, wun ere en erschti Golden-Globe-Nominierig yybrocht het. Derno het si in Independetfilm mitgspiilt. Ihri Rollen in dr Straife Being John Malkovich un Any Given Sunday hän ere positivi Kritiken yybrocht. Fir Being John Malkovich het si anne 1999 ihri zwoot Golden-Globe-Nominierig iberchuu.

Anne 2000 isch d Diaz as California-Girl im Färnseh-Remake Charlie’s Angels ufdrätte. Wäg em kommerziällen Erfolg vum erschte Dail isch 2003 e Furtsetzig drillt wore, wu bi dr Filmkritik wenig Gnad gfunde het, aber mit eme Yyspiilergebnis vu 259 Mio. US-Dollar glych erfolgrych gsii isch. Dr Film isch fir Guldeni Imbeeri nominiert gsii. Scho bi dr Draiarbete het si d Diaz gege ne dritte Dail uusgsproche, weil si au in Zuechumft no an ärnschthafte Filmproduktione het well mitwirke.

Anne 2001 het si Vanilla Sky näb em Tom Cruise un dr Penélope Cruz mitgspiilt un 2002 im Film Gangs of New York vu Reschisser Martin Scorsese, wu fir zeh Oscar nominiert woren isch. Fir beedi Fil isch si as Beschti Nääbedarstelleri fir dr Golden Globe nominiert wore. Anne 2004 het si d Roll vu dr Maggie im Film In Her Shoes an dr Syte vu dr Shirley MacLaine un em Toni Collette gspiilt. Noch eme wytere Publikumserfolg het d Diaz e Roll im Film The Holiday an dr Syte vum Jude Law, dr Kate Winslet un em Jack Black iberchuu. Bi ihrem ngeschte Film het d Diaz an dr Syte vum Ashton Kutcher in Love Vegas gspiilt. Dr Film het schläöchti Kritike iberchuu, d Diaz un dr Kutcher sin baidi fir e Guldini Imbeeri nominiert wore.

Anne 2009 het d Diaz in My Sister’s Keeper e jungi Mueter gspiilt, wu s Chind Bluetchräbs iberchuu het. Anne 2010 isch si in dr Actionkumedi Knight and Day an dr Syte vum Tom Cruise z sääne gsii.

Am 22. Juni 2009 isch d Cameron Diaz mit eme Stäärn uf em Hollywood Walk of Fame (bi 6712 Hollywood Boulevard vor em Grauman’s Egyptian Theatre) in dr Kategory Film gehrt wore.

Di dytsch Standardsynchronstimm vu dr Diaz isch d Katrin Fröhlich.

Zytwys het d Diaz zue dr Holywoodschauspiiler mit em greschte Verdiesnscht ghert. Wu si fir Nachdem sie für Shrek the Third e Gasch vu 30 Millionen US-Dollar[2] iberchuu het, isch si in dr Forbes-Ranglischt mit eme Yychuu vu 50 Millionen US-Dollar (zwische Juni 2007 un Juni 2008, mit Wärbenyynahme) uf em erschte Blatz gläge.[3]

Persenligs[ändere | Quälltäxt bearbeite]

D Diaz het vu 1990 bis 1995 e Beziehig mit em Produzänt Carlos de la Torre ghaa. Vu 1996 bis 1998 isch si mit ihrem Kolleg Matt Dillon un vu 1999 bis 2003 mit em Schauspiiler Jared Leto, au bekannt as Sänger vu dr Band 30 Seconds to Mars, liiert gsii. Vum Summer 2003 bis Jänner 2007 het d Diaz mit em Justin Timberlake zämmegläbt. Zwische Juli 2010 un Septämber 2011 sin si un dr Baseballer Alex Rodriguez e Baar gsii.

Am 5. Jänner 2015 het si z Los Angeles dr Musiker Benji Madden ghyrote, dr Sänger vu dr Band Good Charlotte, wu si syt 2014 mit verlobt gsii isch.[4]

Filmografy (Uuswahl)[ändere | Quälltäxt bearbeite]

d Diaz bim Toronto International Film Festival, 2005

as Darstelleri[ändere | Quälltäxt bearbeite]

  • 1994: The Mask (Die Maske)
  • 1995: The Last Supper (Last Supper – Die Henkersmahlzeit)
  • 1996: She's the One
  • 1996: Feeling Minnesota
  • 1996: Head Above Water (Kopf über Wasser)
  • 1997: My Best Friend’s Wedding (Die Hochzeit meines besten Freundes)
  • 1997: A Life Less Ordinary (Lebe lieber ungewöhnlich)
  • 1998: Fear and Loathing in Las Vegas
  • 1998: Very Bad Things
  • 1998: There’s Something About Mary (Verrückt nach Mary)
  • 1999: Any Given Sunday (An jedem verdammten Sonntag)
  • 1999: Being John Malkovich
  • 2000: Charlie’s Angels (3 Engel für Charlie)
  • 2000: Things You Can Tell Just by Looking at Her (Gefühle, die man sieht)
  • 2001: Vanilla Sky
  • 2001: The Invisible Circus (Deadly Shadows)
  • 2002: Slackers
  • 2002: The Sweetest Thing (Super süß und super sexy)
  • 2002: Gangs of New York
  • 2002: Minority Report
  • 2003: Charlie’s Angels: Full Throttle (3 Engel für Charlie – Volle Power)
  • 2005: In Her Shoes (In den Schuhen meiner Schwester)
  • 2006: The Holiday (Liebe braucht keine Ferien)
  • 2008: What Happens in Vegas… (Love Vegas)
  • 2009: My Sister’s Keeper (Beim Leben meiner Schwester)
  • 2009: The Box (The Box – Du bist das Experiment)
  • 2010: Knight and Day
  • 2011: The Green Hornet
  • 2011: Bad Teacher
  • 2012: What to Expect When You're Expecting (Was passiert, wenn’s passiert ist)
  • 2012: Gambit (Gambit – Der Masterplan)
  • 2013: The Counselor
  • 2014: The Other Woman (Die Schadenfreundinnen)
  • 2014: Sex Tape
  • 2014: Annie

as Synchronsprächeri[ändere | Quälltäxt bearbeite]

  • 2001: Shrek (Shrek – Der tollkühne Held) as Fiona
  • 2004: Shrek 2 (Shrek 2 – Der tollkühne Held kehrt zurück) as Fiona
  • 2007: Shrek the Third (Shrek der Dritte) as Fiona
  • 2010: Shrek Forever After (Für immer Shrek) as Fiona

Uuszaichnige (Uuswahl)[ändere | Quälltäxt bearbeite]

Uuszaichnige[ändere | Quälltäxt bearbeite]

  • 1999: Blockbuster Entertainment Award für Any Given Sunday
  • 1999: Alma Award für Any Given Sunday
  • 2001: Boston Society of Film Critics Award für Vanilla Sky
  • 2002: Chicago Film Critics Association Award für Vanilla Sky
  • 2004: Imagen Foundation Award für Charlie’s Angels: Full Throttle
  • 2009: Stäärn uf em Hollywood Walk of Fame

Nominierige[ändere | Quälltäxt bearbeite]

  • 1999: Golden Globe as Beschti Darstelleri fir There’s Something About Mary
  • 2000: Golden Globe as Beschti Nääbedarstelleri fir Being John Malkovich.
  • 2000: SAG Award as Beschti Nääbedarstelleri fir Being John Malkovich
  • 2000: British Academy Film Award as Beschti Nääbedarstelleri fir Being John Malkovich
  • 2002: Golden Globe as Beschti Nääbedarstelleri fir Vanilla Sky
  • 2002: SAG Award as Beschti Nääbedarstelleri fir Vanilla Sky
  • 2003: Golden Globe as Beschti Nääbedarstelleri fir Gangs of New York
  • 2004: Guldeni Imbeeri as Schlächteschti Schauspiileri fir Charlie’s Angels: Full Throttle
  • 2006: Imagen Foundation Award as Beschti Darstelleri fir In den Schuhen meiner Schwester
  • 2008: Kids’ Choice Awards as Beschti Stimm in eme Animationsfilm fir Shrek the Third
  • 2009: Guldeni Imbeeri as Schlächteschti Schauspiileri un Schlächterscht Lyynwandbaar (zämme mit em Ashton Kutcher) fir Love Vegas

Literatur[ändere | Quälltäxt bearbeite]

Weblink[ändere | Quälltäxt bearbeite]

 Commons: Cameron Diaz – Sammlig vo Multimediadateie

Fueßnote[ändere | Quälltäxt bearbeite]

  1. Yydrag Cameron Diaz im Who's Who.
  2. http://www.welt.de/vermischtes/article1822722/CAMERON_DIAZ.html
  3. vgl. Johnson, Wesley: Hollywood's Top Earners. Press Association Newsfile, 23. Juli 2008, 4:38 PM BST
  4. Jennifer Garcia: Cameron Diaz Marries Benji Madden. In: People.com. 5. Januar 2015. Abgrüeft am 6. Januar 2015.
Information icon.svg Dä Artikel basiert uff ere fräie Übersetzig vu dere Version vum Artikel „Cameron_Diaz“ vu de dütsche Wikipedia.

E Liste vu de Autore un Versione isch do z finde.