Sexuell übertragbare Erkrankung

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Sexuell überdragbari Chrankheite, uf Dütsch au ängl. STD (sexually transmitted diseases) oder STI (sexually transmitted infections), si die Chrankheite, wo dur e Gschlächtsverchehr chönne überdrait wärde. Ihri Verursacher chönne Bakterie, Virene, Bilz, Protozoe und Arthropode si.

Gschlächtschrankheite im ängere Sinn oder latiinisch Venerea, in dr Diermedizin Decksüüchene, sait mä dene sexuell überdragbare Chrankheite, won en Arzt vo Gsetz us de Behörde muess mälde.

Bim Mensch[ändere | Quälltäxt bearbeite]

Die „klassische Gschlächtschrankheite“ (Syphilis, Gonorrhoe, Ulcus molle und Lymphogranuloma venereum) hai bis vor Churzem nume no weenig Bedütig gha, wil si sälte worde si dank dr Behandlig mit Antibiotika. Neuerdings chömme si aber wider uf.

Aber immer no wichdiger si momentan d HIV-Infektion und AIDS, Hepatitis B, Herpes genitalis, Infektione mit Chlamidie und Trichomonade, dr Filzluusbefall, und d Infektion mit bestimmte (so genannte „high risk“) HP-Vire, wo verantwortlig si drfür, ass e Gebärmueterhalschräbs sichj entwigglet. Die Chrankheite si zum Deil au sehr vil schwerer z behandle as die „klassische“ Gschlächtschrankheite.

Übersicht[ändere | Quälltäxt bearbeite]

Sexuell überdragbari Chrankheit: Erreger:
Virene:
HIV-Infektion und AIDS HIV-1 und HIV-2
Condylomata acuminata (Fiigwarzene, Viruswarzene vo dr Schliimhut) und Buschke-Löwenstein-Tumor HPV Typ 6 und 11 („low risk“)
Condylomata plana (wärde je noch Lokalisation as CIN, VIN, VAIN, AIN und PIN bezeichnet) HPV Typ 6 und 11 („low risk“) und 16, 18 und 31 („high risk“)
Cervikale intraepitheliale Neoplasie (CIN): cha zu Gebärmueterhalschräbs (Zervixkarzinom) füehre HPV Typ 16, 18 und 31 („high risk“)
Bowenoide Papulose, meistens bi Manne as Penili intraepitheliali Neoplasii (PIN, Viruswarzene uf em Penis): cha zu Erzthroplasii und Peniskarzinom füehre HPV, fast usschliesslig Typ 16 („high risk“)
Vulväri intraepitheliali Neoplasii (VIN, Viruswarze in dr Vulva) HPV Typ 16, 18 und 31 („high risk“)
Vaginali intraepitheliali Neoplasii (VAIN, Viruswarzene uf der Scheideschliimhut) HPV Typ 16, 18 und 31 („high risk“)
Anali intraepitheliali Neoplasii (AIN, Viruswarze im Anus) HPV Typ 16, 18 und 31 („high risk“)
Morbus Heck (Viruswarze uf dr Muulschliimhut) HPV Typ 13 und 32 („low risk“)
Molluscum contagiosum MCV
Hepatitis A (dur oro-anale Kontakt) HAV
Hepatitis B HBV
Hepatitis C HCV

Hepatitis D

Herpes genitalis HSV
Zytomegalie CMV
Bakterie:
Syphilis (Lues venerea) Treponema pallidum
Gonorrhö (Tripper) Neisseria gonorrhoeae
Ulcus molle (weiche Schanker) Haemophilus ducreyi
Granuloma inguinale Donovania granulomatosis
Lymphogranuloma venereum Chlamydia trachomatis, Serotype L1 bis L3
Aszendierendi Okulogenitali Chlamydieinfektion Chlamydia trachomatis, Serotype D bis K
Urogenitali Mykoplasmeinfektion lueg: Ureaplasma urealyticum genitali Mycoplasme
Bakterielli Vaginose aerobi Bakterie
Durchfall (dur oro-anale Kontakt) Darmbakterie: Shigella-, Salmonella-, Campylobacter- Arte
Bilz:
Kandidose Candida albicans
Urdierli (Protozoe):
Trichomoniasis Trichomonas vaginalis
Durchfall (dur oro-anale Kontakt) Protozoe im Darm: Giardia Lamblia, Entamoeba histiolytica, Cryptosporidium- Arte
Gliiderdier (Arthropode):
Filzluusbefall (Schamluusbefall, Pediculosis pubis) Filzluus (Schamluus, Phtirus pubis)
Krätze (Scabies) Krätzmilbe (Sarcoptes scabei)
deilwiis us: [1]

Prävention und Therapii[ändere | Quälltäxt bearbeite]

Au wenn mä sich Müeh git und immer vorsichdig isch, cha s ein doch verwütsche. Es isch e Grundrisiko, vo jedem Mensch, wo sexuell aktiv isch, muess uf sich neh. D Verbreitig vo sexuell überdragbare Chrankheite cha aber mit chliinstem Ufwand stark iigschränkt wärde und das eifach do drdur, ass mä immer Kondom brucht. D Hepatitis-B-Impfig sänkt nit nume s Risiko von ere Infektion mit Hepatitis B sondern au wie schwer mä chrank wird, wemm mä doch infiziert wird. Die Ständigi Impfkommission (STIKO) empfiilt dorum d Hepatitis-B-Impfig für Chinder und Jugendligi.

D Behandlig vom e Hufe vo dene Chrankheite isch dank dr Iifüehrig vo Antibiotika stark verbesseret worde. Allerdings müesse die konsequänt vo beide Partner aagwändet wärde. Anderi Chrankheite chönne nid therapiert wärde, aber hüfig git s Behandlige, wo d Läbenserwartig stark verbessere.

Bi Dier[ändere | Quälltäxt bearbeite]

As Decksüüche wärde aagluegt:

  • bi Ross
    • Aasteckendi Gebärmueterentzündig (Contagious Equine Metritis, CEM; Taylorella equigenitalis)
    • Beschälsüüchi (Dourine; Trypanosoma equiperdum)
    • Blööterliusschlaag (Equines Herpesvirus 3)
  • bi Rinder
    • Infektiösi Pustulösi Vulvovaginitis (Bovines Herpesvirus 1)
    • Brucellose (Brucella abortus)
    • Enzootischer Campylobacter-Abort („Vibrionesüüchi“; Campylobacter fetus ssp. venerealis)
    • Trichomonadesüüchi (Tritrichomonas foetus)
  • bi Schoof und Geisse
    • Brucellose (Brucella melitensis)
  • bi Söi
    • Brucellose (Brucella suis)
  • bi Fäldhaase
    • Brucellose (Brucella suis)

Weblingg[ändere | Quälltäxt bearbeite]


Dä Artikel basiert uff ere fräie Übersetzig vum Artikel „Sexuell_übertragbare_Erkrankung“ vu de dütsche Wikipedia.

E Liste vu de Autore un Versione isch do z finde.

Dä Artikel basiert uff ere fräie Übersetzig vum Artikel „Deckseuche“ vu de dütsche Wikipedia.

E Liste vu de Autore un Versione isch do z finde.

Fuessnote[ändere | Quälltäxt bearbeite]

  1. Peter Fritsch: „Dermatologie und Venerologie“, Springer Verlag, 2. Auflage 2004, ISBN 3-540-00332-0