Schwendisee

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Schwendisee
de Vorder Schwendisee
de Vorder Schwendisee
Geographischi Lag Toggenburg
Kanton Sanggale (Schwiz)
Zuflüss namelose Bach
Abflüss Seebach
Grösseri Ort in dr Nöchi Wildhuus, Underwasser
Date
Koordinaten 743420 / 22798147.1872229.3311111160Koordinate 47° 11′ 14″ N, 9° 19′ 52″ O; CH1903: 743420 / 227981
Schwendisee (Schweiz)
Schwendisee
Höchi über em Meeresspiegel 1.160 m
Flechi 2,5 hadep1f5
Seebreiti 150 mf7
Umfang 700 mf9
Mittleri Diefi 4 mf11

f

Schwendisee [IPA: ʃwɛndiˈseː] isch de Name vo zwee chliine Seeje uf de Alp Schwendi underhalb vom Gamserrogg und oberhalb vo Wildhuus und Onderwasser im obere Toggeborg. Dör die zwai Seeli isch d Grenze vo de ehmolige Gmainde Wildhuus und Alt Santihann gange.

Entstehig[ändere | Quälltäxt bearbeite]

De Schwendisee isch bim Rückzuug vom spootiiszittliche Gamserrogg-Gletscher entstande, wo e flachi Muelte henderloo het. Im Lauf vo de Joortuusige isch de See mee und mee verlandet und s isch e Flachmoor entstande mit zwai chliine Seeli. De Abfluss isch onderirdisch und goot denn in Seebach ine, wo i d Tuur mündet.

Fauna und Flora[ändere | Quälltäxt bearbeite]

S Flachmoor und di baide Seeli stönd onder Naturschutz. Vier Fischarte chömed vor: de Hecht (Esox lucius), de Egli (Perca fluviatilis), de Charpfe (Cyprinus carpio) und d Schlaie (Tinca tinca). Im See wachst di wiis Seeroose (Nymphea alba) und di geel Taichroose (Nuphar lutea). I de Verlandigszoone wachset verschidnigi Gräser, Segge und Schilf. Zwöschet de baide Seeli isch e Wäldli.

Tourismus[ändere | Quälltäxt bearbeite]

D Schwenidseeje sind e biliebts Uusflugsziil und s gitt au offizielli Füürstele am vordere Schwendisee. Am Schwendisee goot au de Toggeborger Chlangweg verbii.

Lueg au[ändere | Quälltäxt bearbeite]

 Commons: Schwendisee – Sammlig vo Multimediadateie