Hecht

Us der alemannische Wikipedia, der freie Dialäkt-Enzyklopedy
Hecht

Hecht (Esox lucius)

Systematik
Chlass: Chnochefisch (Osteichthyes)
Underchlass: Strahleflosser (Actinopterygii)
Ordnig: Hächtartigi (Esociformes)
Familie: Hächt (Esocidae)
Gattig: Esox
Art: Hecht
Wüsseschaftlige Name
Esox lucius
Linnaeus, 1758

De Hecht (Esox lucius; alemanischi Näme) isch e aapassigsfääige Süesswasserfisch und e verbraitete Raubfisch, wo i europäische Gwässer vorchunnt.

Uussie[ändere | Quälltäxt bearbeite]

De Hecht isch e dünne längliche Fisch, wo öppe 40 bis 120 cm lang werd und öppe 10 kg wögt. Wiibli sind gröösser as Mandli. Er hett e flache spitzige Chopf, chliini Auge und vor alem e groosses Muul. Sin Körper isch dunkel miteme Bruu- oder Grüestich und helle Tupfe, Flecke und Straiffe. De Buuch isch heller. Sini Buuchflosse chönd röötlich sii.

Verbraitig[ändere | Quälltäxt bearbeite]

De Hecht isch i fast ganz Europa verbraitet. Er feelt z Norwege, uf de Iberische Halbinsle und im süüdliche Balkan. Er chunnt au im nördliche Asie und z Nordamerika vor.

Lebeswiis[ändere | Quälltäxt bearbeite]

De Hecht isch e Raubfisch. Er luuret i Uufernööchi im Gstrüpp us Wasserpflanze und schüüsst den blitzschnell uf siis Opfer loos. Er fresst nöd nu anderi Fisch, sondern au chlinneri Hecht chönd i siim Muul lande. Er foot au Amphibie und chliini Wasservögel. Well vili Fisch d Fäkalie vom Hecht am Gruch erchenet, schiisst er a Orte, wo vo sim Jagdplatz wiit ewegg sind.

D Laichzitt goot vom Hornig bis in Mai, binere Wassertemperatur zwöschet 5 und 11 Grad. S Wiibli lait abertuusigi Aier, wo a de Wasserpflanze chlebe bliibet. Noch 10 bis 30 Taag schlüüffet d Laarfe. Wenn di junge Hechtli öppe 5 cm lang sind, fönd s a jage, vorene lebets vo Zooplankton.

Büecher[ändere | Quälltäxt bearbeite]

Weblink[ändere | Quälltäxt bearbeite]

 Commons: Hecht – Sammlig vo Multimediadateie
  • Hecht uf Fishbase.org (englisch)